पुणे : थायलंडची ट्रीप अन् हेलिकॉप्टर राईडची ऑफर; महापालिका निवडणुकीत मतदारांची 'दिवाळी'; प्रभाग कोणता?
Pune Mahanagar Palika Election 2026 : “तिकीट आपल्यालाच मिळणार” या आत्मविश्वासातून अनेक इच्छुकांनी कोणतीही अधिकृत घोषणा होण्यापूर्वीच प्रचार सुरू केला आहे. केवळ पोस्टर, बॅनर किंवा बैठका इतकाच प्रचार मर्यादित न राहता, आता परदेश सहली, गुंठाभर जमीन, हेलिकॉप्टर राईड, महागड्या गाड्या आणि रोख बक्षिसांपर्यंत ही स्पर्धा पोहोचली आहे.
ADVERTISEMENT
बातम्या हायलाइट
पुणे : थायलंडची ट्रीप अन् हेलिकॉप्टर राईडची ऑफर
महापालिका निवडणुकीत मतदारांची 'दिवाळी'; प्रभाग कोणता?
Pune Mahanagar Palika Election 2026 : पुणे शहरात आगामी महापालिका निवडणुकीची रणधुमाळी सुरू होण्याआधीच राजकीय वातावरण चांगलेच तापले आहे. उमेदवारी जाहीर होण्याआधीच अनेक इच्छुकांनी प्रचारात आघाडी घेत थेट मतदारांना आकर्षित करण्यासाठी तिजोरी खुली केल्याचे चित्र समोर आले आहे. यंदाच्या निवडणुकीत मतदारांसाठी जणू काही ‘दिवाळी’च साजरी केली जात असून, प्रलोभनांच्या नावीन्यपूर्ण ऑफर्समुळे पुण्याची राजकीय चर्चा सध्या वेगळ्याच वळणावर पोहोचली आहे.
“तिकीट आपल्यालाच मिळणार” या आत्मविश्वासातून अनेक इच्छुकांनी कोणतीही अधिकृत घोषणा होण्यापूर्वीच प्रचार सुरू केला आहे. केवळ पोस्टर, बॅनर किंवा बैठका इतकाच प्रचार मर्यादित न राहता, आता परदेश सहली, गुंठाभर जमीन, हेलिकॉप्टर राईड, महागड्या गाड्या आणि रोख बक्षिसांपर्यंत ही स्पर्धा पोहोचली आहे. या सगळ्या प्रकारांमुळे खर्च आणि गुंतवणूक यामधील सीमारेषा धूसर होत चालली आहे.
कसबा परिसरातील प्रभाग क्रमांक 25 मध्ये महिला मतदारांसाठी आयोजित करण्यात येणाऱ्या विविध कार्यक्रमांमध्ये यंदा ‘पैठणी’बरोबरच थेट हेलिकॉप्टर राईडचा धडाका लावण्यात आला आहे. पैठणी खेळ जिंकणाऱ्या महिलांना पुणे शहराचे हेलिकॉप्टरमधून दर्शन घडवण्याचे आश्वासन दिले जात आहे. तर क्रिकेटप्रेमी पुण्यात काही प्रभागांमध्ये स्थानिक क्रिकेट लीगचे आयोजन करून लाखो रुपयांची रोख बक्षिसे देण्यात येत असल्याची चर्चा आहे.
निवडणूक अद्याप जाहीर न होता देखील इच्छुकांनी कोट्यवधी रुपयांचा खर्च केल्याचे बोलले जात आहे. स्वतःची ताकद दाखवणे, समर्थकांची संख्या वाढवणे आणि भविष्यातील व्होट बँक तयार करणे, यासाठी हा खर्च ‘राजकीय गुंतवणूक’ असल्याचे राजकीय वर्तुळात बोलले जात आहे.
हे वाचलं का?
