Video : ‘टायगर’ची एन्ट्री होताच थिएटरमध्ये फोडले फटाके, सलमान चाहत्यांवर प्रचंड भडकला

व्हिडिओत काय?

सोशल मीडियावर एक व्हिडिओ सध्या प्रचंड व्हायरल होत आहे. हा व्हायरल व्हिडिओ एका थिएटरमधला आहे. या व्हिडिओत थिएटरमध्ये सलमान खानचा टायगर सिनेमा सुरु आहे. या सिनेमातील सलमान खानच्या एन्ट्रीवर चाहते फटाके फोडताना दिसत आहे. व्हिडिओत तुम्ही पाहु शकता की, सलमान खानच्या एन्ट्रीचा सीन स्क्रीनवर दिसत आहे. जो पाहिल्यानंतर चाहते थिएटरच्या आत फटाके फोडत आहेत.यामुळे थिएटरमध्ये फटाक्याचा धुर पाहायला मिळत आहे. या घटनेमुळे अनेकांनी घटनास्थळावरून पळ काढण्याचाही प्रयत्न केला आहे. दरम्यान या व्हिडिओवर आता संतप्त प्रतिक्रिया उमटत आहेत.

Salman Khan Fans bursted fire crackers inside the cinema hall in Malegaon which caused stampede like situation.

pic.twitter.com/LA0uaye96z

— Rishi Bagree (@rishibagree) November 13, 2023

सलमान खान काय म्हणाला?

सलमान खानला ही घटना कळताच त्याने एक्स या सोशल माध्यमावर आपली प्रतिक्रिया दिली आहे. मी टायगर 3 सिनेमा चालू असताना थिएटरमध्ये फटाके फोडल्याचे ऐकले आहे, हे खुप भयानक आहे, असे सलमान खान म्हणतोय. तसेच स्वतःचा आणि इतरांचा जीव धोक्यात न घालता चित्रपटाचा आनंद घ्या आणि सुरक्षित राहा, असे आवाहन सलमान खानने चाहत्यांना केले आहे. आता त्याच्या या आवाहनानंतरही चाहते शांत बसतात का हे पाहावे लागणार आहे.