Nipah virus : ‘निपाह’ने घेतला दोघांचा जीव, संसर्ग होऊ नये म्हणून काळजी कशी घ्यायची?
केरळमध्ये पुन्हा एकदा निपाह विषाणूची प्रकरणं समोर आली आहेत. कोझिकोड जिल्ह्यात निपाह विषाणूची लागण झालेल्या दोन्ही लोकांचा मृत्यू झाला. इतर दोन बाधितांवर उपचार सुरू आहेत.
ADVERTISEMENT
Nipah Virus Cases : केरळमध्ये पुन्हा एकदा निपाह विषाणूची प्रकरणं समोर आली आहेत. कोझिकोड जिल्ह्यात निपाह विषाणूची लागण झालेल्या दोन्ही लोकांचा मृत्यू झाला. इतर दोन बाधितांवर उपचार सुरू आहेत. एक नऊ वर्षांचा मुलगा तर दुसरा रुग्ण 24 वर्षांचा आहे. दोघंही त्याच कुटुंबातील आहेत ज्याचा 30 ऑगस्ट रोजी मृत्यू झाला. केरळच्या आरोग्य मंत्री वीणा जॉर्ज यांनी जिल्ह्यातील परिस्थितीचा आढावा घेण्यासाठी बैठक बोलावली. दरम्यान, केंद्रीय आरोग्य मंत्री मनसुख मांडविया यांनी सांगितले की, त्यांनी तज्ज्ञांची एक टीम केरळला पाठवली आहे. (2 people died in Kerala due to Nipah virus Why is this disease so dangerous)
निपाह विषाणू कोरोना विषाणू इतका वेगाने पसरत नाही, परंतु त्याची लागण झालेल्या रुग्णांचा मृत्यू भयानक आहे. वर्ल्ड हेल्थ ऑर्गनायझेशन (WHO) नुसार, निपाहच्या 40 ते 75 टक्के रुग्णांचा मृत्यू होतो. जर निपाह इतका धोकादायक असेल तर त्याचा प्रसार कसा होतो आणि त्याला प्रतिबंध करण्यासाठी काय उपाययोजना आहेत? याबाबत आपण सविस्तर जाणून घेऊयात.
वाचा : Parliament Special Session : हा आहे मोदी सरकारचा अजेंडा, मांडणार 4 विधेयके
निपाह विषाणू म्हणजे काय?
निपाह हा एक झुनोटिक आजार आहे. याचा अर्थ संक्रमित प्राण्यांद्वारे किंवा दूषित अन्नपदार्थांद्वारे ते मानवांमध्ये पसरते. WHO नुसार, निपाह संसर्ग संसर्गित व्यक्तीच्या जवळ राहणाऱ्या इतर लोकांमध्ये पसरू शकतो. मानवांमध्ये निपाह विषाणूचा संसर्ग पहिल्यांदा मलेशियामध्ये 1998 मध्ये आणि सिंगापूरमध्ये 1999 मध्ये आढळून आला होता. या विषाणूचं नाव मलेशियातील त्याच गावाच्या नावावरून ठेवण्यात आलं होतं, जिथे पहिल्यांदा एका व्यक्तीमध्ये हा विषाणू आढळला होता. त्या व्यक्तीचा मृत्यू झाला. मलेशियामध्ये एकूण 265 लोकांना याची लागण झाली होती. तर 105 लोकांचा मृत्यू झाला होता. तेव्हापासून या संसर्गाची लागण झालेले लोक दरवर्षी भारत, बांगलादेश आणि आजूबाजूच्या देशात आढळतात.
निपाह विषाणूची लक्षणं कोणती?
निपाह विषाणूच्या संपर्कात आल्यानंतर 4 ते 14 दिवसांनी त्याची लक्षणं दिसतात. यूएस सेंटर फॉर डिसीज कंट्रोल अँड प्रिव्हेन्शन (CDC) नुसार, यामुळे ताप, डोकेदुखी, खोकला, घसा खवखवणे, श्वास घेण्यात अडचण आणि उलट्या यांसारखी लक्षणं दिसतात. जेव्हा गंभीर लक्षणे दिसतात तेव्हा निद्रानाश, भ्रम, दिशाभूल, कोमा आणि मेंदूला सूज येऊ शकते. जे गंभीर बनते आणि नंतर मृत्यू होतो.
हे वाचलं का?
