मासिक पाळी टाळण्यासाठी गोळ्या घेत असाल तर सावधान, आरोग्यावर 'हे' गंभीर परिणाम होऊ शकतात
Period delay pills dangerous side effects : मासिक पाळी टाळण्यासाठी गोळ्या घेत असाल तर सावधान, आरोग्यावर 'हे' गंभीर परिणाम होऊ शकतात
ADVERTISEMENT
बातम्या हायलाइट
मासिक पाळी टाळण्यासाठी गोळ्या घेत असाल तर सावधान
आरोग्यावर 'हे' गंभीर परिणाम होऊ शकतात
Period delay pills : महिलांमध्ये मासिक पाळी (पीरियड्स) ही एक नैसर्गिक प्रक्रिया आहे, जी प्रत्येक महिन्याला शरीराला निरोगी आणि संतुलित ठेवण्यासाठी आवश्यक असते. मात्र, अनेकदा धार्मिक विधी, पूजा, प्रवास किंवा लग्नासारख्या विशेष प्रसंगी महिला पीरियड्स पुढे ढकलण्यासाठी किंवा थांबवण्यासाठी औषधांचा वापर करतात. या औषधांमुळे तात्पुरता आराम मिळतो, पण त्याचा शरीरातील हार्मोन्सच्या संतुलनावर गंभीर परिणाम होऊ शकतो. चला पाहूया, पीरियड्स थांबवणाऱ्या गोळ्या कशा कार्य करतात, कधी घेतल्या जातात आणि त्यांचे दुष्परिणाम कोणते असतात.
मासिक पाळी थांबवणाऱ्या औषधांचे दुष्परिणाम कोणते?
मासिक पाळी थांबवणाऱ्या किंवा पुढे ढकलणाऱ्या औषधांमध्ये साधारणतः प्रोजेस्टेरोन हार्मोन असतो. हाच हार्मोन महिलांच्या शरीरातील मासिक पाळीच्या चक्रावर नियंत्रण ठेवतो.
जेव्हा एखादी महिला ही औषधे घेते, तेव्हा ती शरीरातील नैसर्गिक हार्मोनल सायकल बदलून टाकतात. या औषधांमुळे शरीराला असा संकेत मिळतो की जणू गर्भधारणा झाली आहे, त्यामुळे ओव्ह्युलेशन आणि पीरियड्स काही काळासाठी थांबतात. सामान्यतः डॉक्टर Norethisterone किंवा त्यासारख्या औषधांचा सल्ला देतात, जी पीरियड्स येण्यापूर्वी 3-4दिवसांपासून घ्यावी लागतात.
पूजा किंवा धार्मिक प्रसंगी या औषधांची मागणी का वाढते?
भारतातील अनेक धार्मिक परंपरांनुसार महिलांना मासिक पाळीच्या काळात मंदिरात जाणे किंवा पूजा-अर्चेत सहभागी होणे टाळले जाते. त्यामुळे जेव्हा मोठा सण, लग्न किंवा व्रताचा काळ जवळ येतो, तेव्हा अनेक महिलांना त्या काळात पाळी येऊ नये असे वाटते. त्यामुळे अशा दिवसांमध्ये या गोळ्यांची मागणी वाढते. काही महिला डॉक्टरांचा सल्ला न घेता थेट मेडिकल स्टोअरमधून या गोळ्या विकत घेतात आणि सेवन करतात, जे आरोग्यासाठी धोकादायक ठरू शकते.
हे वाचलं का?
