Winter health Tips : हिवाळा आला, हुडहूडी भरणार, पण फिट कसं राहणार? 'या' पाच गोष्टींची घ्या काळजी

Winter health tips : नोव्हेंबर सुरू होताच वातावरणात बदल जाणवायला लागले आहेत. उकाडा कमी झाला असून, आता हळूहळू थंडीची चाहुल लागण्यास सुरुवात झाली आहे. हवामान विभागाच्या अंदाजानुसार या आठवड्यात थंडी वाढण्याची शक्यता आहे. त्यामुळे प्रत्येकाला आपल्या आरोग्याची जास्त काळजी घ्यावी लागणार आहे. आयुर्वेदानुसार हिवाळा ऋतूमध्ये नैसर्गिकरित्या माणसाच्या शरीरातील रोगप्रतिकारक शक्ती वाढते. थंड हवामानात, शरीराचे तापमान कमी होतं आणि नवीन हवामानाशी जुळवून घेण्यासाठी शरीरात थर्मोरेग्युलेशन प्रक्रिया पार पडते.