Rohit Pawar : रोहित पवार पिछाडीवर पडल्याच्या धक्क्यात 75 वर्षांच्या समर्थकाचा मृत्यू, ट्विट करुन...

हे ही वाचा >> Maharashtra Assembly Election 2024 Result : लाखाच्या लीडने जिंकणाऱ्या आमदारांची यादी; अजितदादा, शिंदेंचा नंबर कितवा?

राम शिंदे आणि रोहित पवार यांच्यातली लढत मोठी अटीतटीची होती. या निवडणुकीच्या मतदानाची मोजणी सुरू असतानाच एक धक्कादायक प्रकार घडला. रोहित पवार हे काही वेळ पिछाडीवर होते. राज्याचं लक्ष या लढतीकडे असताना, रोहित पवार यांचे समर्थकही या निकालाकडे नजर लावून बसले होते. यावेळी 75 वर्षांचे शरद पवार यांचे एक निष्ठावान कार्यकर्ते यजेराव काळे सुद्धा घडामोडींवर नजर ठेवून बसले होते. रोहित पवार पिछाडीवर पडल्याचं कळताच त्यांना मोठा धक्का बसला आणि त्यांचा दुर्दैवी मृत्यू झाला. त्यावरुन आज रोहित पवार यांनी आपल्या भावना व्यक्त केल्या आहेत. 
 

रोहित पवार काय म्हणाले? 

"काल मतमोजणी सुरु असताना मताधिक्य कमी-जास्त होत असल्याच्या बातम्या पाहून माझ्या प्रचारात आघाडीवर असलेले आणि आदरणीय पवार साहेबांचे एकनिष्ठ कार्यकर्ते यजेराव दिनकर काळे (वय, ७५, रा. शिंपोरा) यांना धक्का बसला आणि यातच त्यांचं दुर्दैवी निधन झालं. माझ्यासाठी ही अत्यंत दुःखद घटना आहे. या घटनेने विजयाचा आनंद झाला त्यापेक्षा कितीतरी पट अधिक दुःख झालं. निवडणुकीत कार्यकर्ता किती महत्त्वाचा असतो आणि एखाद्या निष्ठावान कार्यकर्त्याला आपण अशा पद्धतीने गमावलं तर त्याचं दुःख किती असतं, याचा मी प्रत्यक्ष अनुभव घेतोय. हे मनाला अत्यंत वेदना देणारं आहे. काळे कुटुंबावर कोसळलेल्या या दुःखात आम्ही सर्वजण सहभागी आहोत."