कॅप्टन अमरिंदर सिंग काँग्रेसला देणार झटका?; आज अमित शाह, जेपी नड्डांना भेटणार
पंजाबच्या राजकारणात पुन्हा राजकीय भूकंप होण्याची चिन्ह दिसत आहे. काही दिवसांपूर्वी मुख्यमंत्रीपदावरून पायउतार झालेल कॅप्टन अमरिंदर सिंग यांचं पुढचं पाऊल काय असेल, याची चर्चा सुरू होती. त्यातच आता अमरिंदर सिंग आज केंद्रीय गृहमंत्री अमित शाह आणि भाजपचे राष्ट्रीय अध्यक्ष जेपी नड्डा यांची भेट घेणार असल्यानं सगळ्यांच्याच भुवया उंचावल्या आहेत. पंजाबचे माजी मुख्यमंत्री आणि पंजाब काँग्रेसचे […]
ADVERTISEMENT
पंजाबच्या राजकारणात पुन्हा राजकीय भूकंप होण्याची चिन्ह दिसत आहे. काही दिवसांपूर्वी मुख्यमंत्रीपदावरून पायउतार झालेल कॅप्टन अमरिंदर सिंग यांचं पुढचं पाऊल काय असेल, याची चर्चा सुरू होती. त्यातच आता अमरिंदर सिंग आज केंद्रीय गृहमंत्री अमित शाह आणि भाजपचे राष्ट्रीय अध्यक्ष जेपी नड्डा यांची भेट घेणार असल्यानं सगळ्यांच्याच भुवया उंचावल्या आहेत.
पंजाबचे माजी मुख्यमंत्री आणि पंजाब काँग्रेसचे ज्येष्ठ नेते कॅप्टन अमरिंदर सिंग पक्षाला मोठा धक्का देण्याच्या तयारीत असल्याची चर्चा राजकीय वर्तुळात सुरू झाली आहे. मुख्यमंत्रीपदाचा राजीनामा दिल्यानंतर शांत असलेले अमरिंदर सिंग आज (२८ सप्टेंबर) केंद्रीय गृहमंत्री अमित शाह आणि भाजपचे राष्ट्रीय अध्यक्ष जे.पी. नड्डा यांची भेट घेणार आहेlत.
अमरिंदर सिंग दुपारी दुपारी ३:३० वाजता दिल्लीसाठी रवाना होणार आहेत. त्यानंतर रात्री दिल्लीत ते दोन्ही नेत्यांची भेट घेणार आहेत. भेटीचं नेमकं कारण अद्याप समोर आलेलं नसलं, तरी पंजाब काँग्रेसमध्ये झालेली उलथापालथ आणि कॅप्टन अमरिंदर सिंग यांच्या भाजप नेत्यांच्या भेटीला विशेष महत्त्व आलं आहे.
सिद्धूने ‘कॅप्टनची’ विकेट काढलीच, कशी आहे लढवय्या अमरिंदर सिंहाची राजकीय कारकीर्द?
हे वाचलं का?
