Nitin Raut उत्तर द्या, खासगी कामासाठी सरकारी विमानाने प्रवास का केला?- बॉम्बे हायकोर्ट

काँग्रेस नेते आणि उर्जा मंत्री नितीन राऊत यांनी लॉकडाऊनच्या काळात खासगी कामांसाठी सरकारी विमान वापरल्याचा आरोप भाजपने केला होता. या प्रकरणी भाजप नेते विश्वास पाठक यांच्या याचिकेला उत्तर द्या असं बॉम्बे हायकोर्टाने म्हटलं आहे. नितीन राऊत यांना 28 जुलैपर्यंत उत्तर देण्यास मुदत देण्यात आली आहे. नितीन राऊत यांनी विमान प्रवासासाठी सरकारी तिजोरीतून खर्च केलेली रक्कम परत करावी अशी विनंतीही पाठक यांनी त्यांच्या याचिकेत केली आहे.