नागपूर: लसीकरण करणाऱ्या आरोग्य कर्मचाऱ्यांना सरपंचांकडूनच मारहाण, Video व्हायरल
योगेश पांडे, नागपूर: कोरोना विषाणूचा सामना करण्यासाठी आता देशभरात 15 ते 18 वर्ष वयोगटातील मुलांसाठी लसीकरण कार्यक्रम शासनामार्फत राबविण्यात येत आहे. मात्र, लसीकरण का करता? असा सवाल विचारत थेट लसीकरण केंद्रावर जाऊन आरोग्य कर्मचाऱ्यांना मारहाण करण्याचा एक धक्कादायक प्रकार नागपूर जिल्ह्यातील नरखेड तालुक्यातील भिष्णूर आरोग्य केंद्राच्या अंतर्गत येणाऱ्या खंडाळा गावात घडला आहे. या प्रकरणातील धक्कादायक […]
ADVERTISEMENT
योगेश पांडे, नागपूर: कोरोना विषाणूचा सामना करण्यासाठी आता देशभरात 15 ते 18 वर्ष वयोगटातील मुलांसाठी लसीकरण कार्यक्रम शासनामार्फत राबविण्यात येत आहे. मात्र, लसीकरण का करता? असा सवाल विचारत थेट लसीकरण केंद्रावर जाऊन आरोग्य कर्मचाऱ्यांना मारहाण करण्याचा एक धक्कादायक प्रकार नागपूर जिल्ह्यातील नरखेड तालुक्यातील भिष्णूर आरोग्य केंद्राच्या अंतर्गत येणाऱ्या खंडाळा गावात घडला आहे.
या प्रकरणातील धक्कादायक बाब म्हणजे खंडाळा गावाचे सरपंच रुपेश मुंदाफळे यांनीच स्वत: आरोग्य कर्मचाऱ्यांना शिवीगाळ करत मारहाण केली असल्याचं समोर आलं आहे. आता या मारहाणीचा एक व्हीडिओ देखील समोर आला आहे.
कोरोनाशी लढा देण्यासाठी लसीकरण मोहीम ही अत्यंत गरजेची बाब आहे. त्यामुळेच भारत सरकारने स्वत: हा उपक्रम हाती घेतला आहे. गावोगावी लसीकरणासाठी पंचायत समिती आणि खंडविकास अधिकारी परवानगी देत असतात. मात्र, भारत सरकारने लसीकरण मोहीम राबवा असे आदेश दिल्यानंतर इतरांच्या होकाराची यासाठी आवश्यकता नसते.
असे असतानासुद्धा खंडाळा गावाचे सरपंच रुपेश मुंदाफळे यांनी कोणाच्या परवानगीने तुम्ही शिबिर आयोजित केले? असा सवाल उपस्थित करत प्रवीण धोटे, नितीन रेवतकर या आरोग्य कर्मचाऱ्यांना शिवीगाळ करत बेदम मारहाण केली.
हे वाचलं का?
