फडणवीसांनी ठाकरे सरकारला सळो की पळो करुन सोडलं, एकापाठोपाठ एक जबरदस्त हल्ले

देवेंद्र फडणवीसांनी नेमका कसा चढवला ठाकरे सरकारवर हल्ला?

• मुंबईमध्ये प्रचंड भ्रष्टाचार आहे. मुंबई महापालिकेत जे सत्ता चालवत आहेत ते महापालिकेला सोन्याचं अंड देणारी कोंबडी समजतात. देशातील सर्वात श्रीमंत महापालिकेचं आणि ज्यांचा क्रमांक देशात आठवा आहे. त्यांचा आर्थिक संसाधन व्यवस्थापनच्या बाबतीत आकडा 45 वर आहे.

• मुंबई मेली तरी चालेल पण आपलं घर भरणं मात्र जोरात सुरु आहे. यावर आम्ही बोललो तर आम्हाला मुंबई, महाराष्ट्र आणि मराठी माणसाचे शत्रू ठरवलं जातं. म्हणजे मुंबईला लुटून खाणारे हितचिंतक दैवत पण विरोधात बोलणारे शत्रू का? पण आता प्रत्येकाच्या लक्षात आलेलं आहे की कोण आपला शत्रू आहे? कोण प्रेताच्या टाळूवरचं लोणी खातं आहे.

‘तेच मूर्ख, तेच शहाणे…’, फडणवीसांनी सभागृहात सादर केली कविता अन्..

• सप्टेंबर 2020 अशी परिस्थिती होती की वजन पडल्याशिवाय फाईल हालत नव्हत्या. पण लोकांच्या आरोग्यापेक्षा मुंबई महापालिकेला सर्वात जास्त रस कशात तर पेन्ग्विनमध्ये. मुंबईची रंगरंगोटी, काचा काय नवे बस स्टॉप काय.. दर तीन महिन्याला हे सुरु.. ही चांगली गोष्ट आहे. मात्र मुंबईत उपचारासाठी येणाऱ्या गरीब माणसाला उपचारासाठी आपण काहीच देत नसाल तर या गोष्टींचा काय उपयोग आहे?

• मुंबई महापालिकेत स्थायी समितीच्या अध्यक्षांकडे सुरुवातीला 130 कोटींची संपत्ती सापडली होती. आता हीच संपत्ती 300 कोटीपर्यंत गेली आहे. मागील 24 महिन्यात 38 मालमत्तांची खरेदी केली आहे. एकीकडे लोक कोरोनाने मरत होते. पण यांनी 24 महिन्यात 38 संपत्ती खरेदी केल्या.