टेन्शन कायम! महाराष्ट्रात ओमिक्रॉन व्हेरिएंटचे दिवसभरात आणखी चार रूग्ण

कोरोनाचा ओमिक्रॉन व्हेरिएंट प्रचंड झपाट्याने पसरतो आहे-WHO प्रमुख

महाराष्ट्रात ओमिक्रॉन व्हेरिएंटचे चार रूग्ण आढळले आहेत त्यातले दोन रूग्ण उस्मानाबाद येथील, एक रूग्ण मुंबई येथील आणि एक रूग्ण बुलढाणा येथील आहे. उस्मानाबाद जिल्ह्यात कोरोनाचा शिरकाव झाल्यानंतर 2 रुग्ण हे पॉझिटिव्ह आढळले आहेत. हे दोन्ही रुग्ण नात्याने पिता पुत्र असून उस्मानाबाद तालुक्यातील बावी येथील आहेत. 43 वर्षीय व्यक्ती परदेश दुसऱ्यानंतर कोरोना पॉझिटिव्ह आली होती मात्र त्यांचा 16 वर्षीय मुलाचा आरटीपीसीआर अहवाल निगेटिव्ह आला होता मात्र त्या मुलाचा ओमीक्रॉन अहवाल पॉझिटिव्ह आल्याने खळबळ उडाली आहे. आरटीपीसीआर अहवाल निगेटिव्ह मात्र ओमिक्रॉन अहवाल पॉझिटिव्ह असल्याने विशेष काळजी घ्यावी असे आवाहन अतिरिक्त जिल्हा शल्य चिकित्सक डॉ मुल्ला यांनी केले आहे.