हा महाराष्ट्र! इथे मराठीत बोललं पाहिजे! राज्यपाल भगतसिंह कोश्यारींनी जाहीर कार्यक्रमात सुनावलं

महाराष्ट्राचे राज्यपाल भगतसिंह कोश्यारी हे त्यांच्या नियुक्तीपासूनच विविध कारणांमुळे आणि महाविकास आघाडीला केलेल्या विरोधामुळे चर्चेत आहेत. आता सध्या त्यांच्या वक्तव्याची चर्चा पुन्हा एकदा रंगली आहे. यवतमाळमधल्या कार्यक्रमात भगतसिंह कोश्यारी यांनी मराठी भाषेचा आग्रह धरला. हा महाराष्ट्र आहे, इथे कार्यक्रमात सूत्रसंचालन झालं पाहिजे अशी भूमिका राज्यपालांनी घेतली. यवतमाळमधे जवाहरलाल दर्डा यांच्या स्मृतीदिनानिमित्त एक कार्यक्रम आयोजित करण्यात आला होता. त्यावेळी त्यांनी केलेलं वक्तव्य चर्चेत आहे.