Mohali Blast : कारमधून आले अन् थेट मुख्यालयावर डागले ग्रेनेड, मोहालीत नेमकं काय घडलं?

सोमवारी (९ मे) सायंकाळची वेळ होती. मोहालीत असलेल्या पंजाब पोलिसांच्या गुप्तचर विभागात नेहमीप्रमाणेच हालचाली सुरू होत्या. घड्याळाचा काटा ७ वाजून ४५ मिनिटांवर गेला आणि तिसऱ्या मजल्यावरील खिडकी फोडून एक वस्तू आत येऊन पडली. त्यानंतर एक मोठा स्फोट झाला.

अचानक झालेल्या स्फोटाने मुख्यालयात एकच धावपळ उडाली. त्यानंतर काय घडलं, याचा शोधाशोध सुरू होतो आणि कळत की, गुप्तचर विभागाच्या मुख्यालयावर हल्ला झाला आहे. रॉकेटमधून कार्यालयाच्या तिसऱ्या मजल्यावर ग्रेनेड डागण्यात आलं.