मुकेश अंबानी यांनी तिरुमाला मंदिरात केले इतके कोटी दान; देणगीबाबत होतेय सर्वत्र चर्चा

मुकेश अंबानी यांनी तिरुमला तिरुपती देवस्थानला दीड कोटी रुपयांची देणगी दिल्याची माहिती आहे. हा एक स्वतंत्र ट्रस्ट आहे, जो आंध्र प्रदेशातील इतर मंदिरांसह तिरुमला व्यंकटेश्वर मंदिराचे व्यवस्थापन करतो. मुकेश अंबानी यांनी तिरुमला येथील रंगनायकुला मंडपम येथे TTD कार्यकारी अधिकारी ए. व्ही. धर्मा रेड्डी यांना देणगीच्या रकमेचा डिमांड ड्राफ्ट सुपूर्द केला. भगवान व्यंकटेश्वराच्या दर्शनावेळी मुकेश अंबानी यांच्यासोबत त्यांच्या लहान मुलाची मंगेतर राधिका मर्चंटही होती. भगवान व्यंकटेश्वराचे दर्शन घेतल्यानंतर अंबानी यांनी टीटीडी गोशाळेला भेट दिली आणि देशभरात मोठ्या प्रमाणावर पवित्र गायीच्या पूजेला प्रोत्साहन देण्यासाठी टीटीडीने केलेल्या प्रयत्नांची प्रशंसा केली.

5G सेवा कधी सुरू होणार?

दिवाळीपासून 5G सेवा सुरू होण्याची शक्यता आहे. मुकेश अंबानी यांच्या म्हणण्यानुसार, सुरुवातीला Jio 5G ची सेवा दिल्ली, मुंबई, चेन्नई आणि कोलकाता येथे उपलब्ध असेल. रिलायन्स एजीएम 2022 मध्ये मुकेश अंबानी म्हणाले होते की सध्या 5G सेवा फक्त काही शहरांमध्ये उपलब्ध असेल, परंतु पुढील वर्षाच्या अखेरीस रिलायन्स जिओ 5G सेवा देशभरात सुरू होईल.