मुंबईतल्या राम मंदिराच्या शेजारी उभ्या असलेल्या कारमध्ये महिलेचा मृतदेह आढळल्याने खळबळ

मुंबईतल्या गोरेगावमध्ये राम मंदिराच्या शेजारी उभ्या असलेल्या कारमध्ये एका महिलेचा मृतदेह आढळला आहे. हा मृतदेह पूर्णपणे कुजला आहे. ही महिला कोण होती याची ओळख मृतदेह कुजल्याने पटू शकलेली नाही. पोलिसांनी मृतदेह त्यांच्या ताब्यात घेतला असून तो शवविच्छेदनासाठी पाठवला आहे. ही हत्या आहे की आत्महत्या हेदेखील आत्ताच सांगणं कठीण आहे. पोलिसांनी वर्तवलेल्या प्राथमिक अंदाजानुसार साधारण आठ दिवसांपूर्वी या महिलेचा मृत्यू झाला असावा.