INS Vikrant : किरीट सोमय्यांना गायब व्हावं लागलेल्या त्या प्रकरणात मुंबई पोलिसांनी काय सांगितलं?
INS Vikrant 57 crore cheating case : भाजपचे खासदार किरीट सोमय्या आणि त्यांचे पुत्र नील सोमय्या यांच्यावर शिवसेनेचे खासदार संजय राऊत यांनी एक आरोप केला होता. ज्यामुळे सोमय्या पिता-पुत्राला जामीन मिळेपर्यंत गायब व्हावं लागलं होतं. आयएनएस विक्रांत या विमानवाहू युद्धनौकेचं संग्रहालय करण्यासाठी जमा केलेल्या ५७ कोटी रुपयांचा अपहार केल्याचा आरोप त्यांच्यावर आहे. याच प्रकरणात आता […]
ADVERTISEMENT
INS Vikrant 57 crore cheating case : भाजपचे खासदार किरीट सोमय्या आणि त्यांचे पुत्र नील सोमय्या यांच्यावर शिवसेनेचे खासदार संजय राऊत यांनी एक आरोप केला होता. ज्यामुळे सोमय्या पिता-पुत्राला जामीन मिळेपर्यंत गायब व्हावं लागलं होतं. आयएनएस विक्रांत या विमानवाहू युद्धनौकेचं संग्रहालय करण्यासाठी जमा केलेल्या ५७ कोटी रुपयांचा अपहार केल्याचा आरोप त्यांच्यावर आहे. याच प्रकरणात आता मुंबई पोलिसांनी महत्त्वाची माहिती न्यायालयात दिलीये.
आयएनएस विक्रांत ही विमानवाहू युद्धनौका मोडीत काढण्याचा निर्णय घेण्यात आल्यानंतर भाजपचे नेते किरीट सोमय्या यांनी या युद्धनौकेचं स्मारक करण्यासाठी लोकांमधून पैसे जमा केले होते. हे पैसे राज्यपाल कार्यालयाकडे जमा केले जाणार होते, मात्र ते पैसे जमाच केले गेले नाही, अशी माहिती माहिती अधिकारातून समोर आली होती.
याच माहितीचा आधार घेत संजय राऊतांनी किरीट सोमय्या यांच्यावर गंभीर आरोप केला होता. या प्रकरणात मुंबई पोलिसांच्या आर्थिक गुन्हे शाखेकडे गुन्हाही दाखल झाला होता. त्यानंतर किरीट सोमय्या आणि नील सोमय्या हे गायब झाले होते. एप्रिलमध्ये उच्च न्यायालयाने अंतरिम जामीन मंजूर केला होता.
त्यानंतर किरीट सोमय्या आणि नील सोमय्या यांनी मुंबई उच्च न्यायालयात अटकपूर्व जामीनासाठी अर्ज केला होता. या अर्जावर न्यायमूर्ती भारती डांगरे यांच्या पीठासमोर सुनावणी झाली.
हे वाचलं का?
