कुख्यात गुंड 'अंडापाव'ला गुजरातमधून अटक, उल्हासनगर क्राईम ब्रँचने ठोकल्या बेड्या
notorious gangster arrested from gujarat action taken by ulhasnagar crime branch

कुख्यात गुंड 'अंडापाव'ला गुजरातमधून अटक, उल्हासनगर क्राईम ब्रँचने ठोकल्या बेड्या

उल्हासनगरमध्ये गुन्हा करुन गुजरातला पळून गेलेल्या एका कुख्यात गुंडाला पोलिसांनी अटक केली आहे.

उल्हासनगर: खुनाचा प्रयत्न आणि अल्पवयीन मुलीचं अपहरण करून पळवून नेल्याची घटना उल्हासनगर पोलीस ठाण्याच्या हद्दीत घडली होती. याप्रकरणी उल्हासनगर पोलीस ठाण्यात आरोपीवर अपहरण आणि पोक्सो अंतर्गत बलात्कारचा गुन्हा दाखल करण्यात आला होता.

सदर घटनेचा तपास उल्हासनगर क्राईम ब्रँच करत होती. अखेर गुप्त माहितीदारकडून मिळालेल्या माहितीच्या आधारे बडोदा येथून आरोपी संतोष सायअण्णा उर्फ अंडापावला अटक केली आहे. आरोपी संतोषवर आतापर्यंत दरोडा, खुनाचा प्रयत्न आणि दंगल यासारखे गंभीर स्वरूपाचे गुन्हे दाखल आहेत.

टिटवाळा पोलीस ठाण्याच्या हद्दीत एका अल्पवयीन मुलावर गुन्हेगार संतोष बाबू सायअण्णा उर्फ अंडापाव याने प्राणघातक हल्ला केला होता आणि त्या दिवसांपासूनच तो फरार झाला होता. नंतर या गुंडाने एका अल्पवयीन मुलीचं अपहरण केलं होतं. याप्रकरणी पोलीस आणि उल्हासनगर क्राईम ब्रँच टीम या गुन्ह्याचा छडा लावण्यासाठी दिवसरात्र मेहनत घेत होती.

पोलिसांनी सुरूवातीला मिळालेल्या माहितीवरून उत्तरप्रदेश मध्ये जाऊन शोध घेतला होता. परंतु हाती काही लागलं नाही. पुन्हा क्राईम ब्रँचच्या टीमला गुप्त बातमीदरकडून मिळालेल्या माहितीच्या आधारे गुजरात राज्यातील बडोदा शहरातून संतोष उर्फ अंडापावला बेड्या ठोकल्या आणि अपहरण केलेल्या अल्पवयीन मुलीची सुटका केली.

आरोपीला उल्हासनगर पोलिसांनी ताब्यात घेतल्यानंतर अपहरण केलेल्या अल्पवयीन मुलीच्या तक्रारीनुसार आरोपीवर अपहरणासह पोक्सो अंतर्गत गुन्हा दाखल करण्यात आला आहे.

उल्हासनगर पोलिसांचा 'मुळशी पॅटर्न

उल्हासनगरमध्ये गेल्या काही दिवसांपासून पोलीस अॅक्शनमध्ये आले असून आता इथे 'मुळशी पॅटर्न' पाहायला मिळतोय. नुकतीच शहरातील कायदा सुव्यवस्था बिघडवणाऱ्या चार गुंडांवर उल्हासनगर पोलिसांनी एमपीएडी अंतर्गत कारवाई केली आहे. यात कुख्यात गुंड जग्गु सरदार उर्फ जगदीश तिरथसिंग लबाना, प्रेमचंद पंजाबी उर्फ ढकणी, स्वप्नील कानडे आणि अनिल उर्फ बाळू धिवरे यांचा समावेश आहे.

'मुळशी पॅटर्न' सिनेमात ऐनकेन प्रकारे पोलीस गुन्हेगारांना शहरात नेस्तनाबूत करतात तसाच काहीसा प्रकार आता उल्हासनगरमध्ये पाहायला मिळत आहे. मात्र, इथे स्वत: पोलीस गुन्हेगारांवर कारवाई करताना दिसत आहेत. ज्यामुळे सामान्य नागरिकांकडून पोलिसांचं कौतुक केलं जात आहे.

notorious gangster arrested from gujarat action taken by ulhasnagar crime branch
उल्हासनगर : धक्कादायक! 27 वर्षीय जावयाचा 45 वर्षीय सासूवर बलात्कार

महत्त्वाची बाब म्हणजे आतापर्यंत परिमंडळ 4 मधील तब्बल 48 जणांवर तडीपारीची कारवाई करण्यात आली आहे. याशिवाय आणखी 40 गुन्हेगारांवर हद्दपारीची कारवाई सुरू असल्याचं सांगण्यात येत आहे.

जग्गू सरदार ऊर्फ जगदिश तिरथसिंग लबाना याच्याविरुध्द उल्हासनगर पोलीस ठाण्यात गंभीर स्वरुपाचे 9 गुन्हे दाखल असून त्याच्या गुन्हेगारी कृत्यांना आळा घालण्याकरिता एमपीडीए कायद्याअंतर्गत प्रस्ताव पोलिसांनी तयार केला होता.

त्याअनुषंगाने पोलीस आयुक्त ठाणे शहर यांनी जग्गू सरदार ऊर्फ जगदिश तिरथसिंग लबाना याची तळोजा कारागृहात रवानगी केली आहे.

तसेच सन 2021 मध्ये परिमंडळ-4, उल्हासनगर हद्दीतील पोलीस ठाण्यात खून, खुनाचा प्रयत्न, दरोडा, जबरी चोरी, खंडणी, मारहाण यासारख्या गंभीर गुन्हयातील एकूण 38 गुन्हेगारांना हद्दपार करण्यात आलेले असून टोळी बनवून गुन्हे करणाऱ्या दोन टोळयांमधील एकूण 9 गुन्हेगारांना हद्दपार करण्यात आलेले आहे.

Related Stories

No stories found.
Mumbai Tak
www.mumbaitak.in