प्रताप सरनाईक आणि अरविंद सावंत कोरोना पॉझिटिव्ह, सोशल मीडियावर दिली माहिती

प्रताप सरनाईक आणि अरविंद सावंत कोरोना पॉझिटिव्ह, सोशल मीडियावर दिली माहिती

शिवसेना आमदार प्रताप सरनाईक यांची कोरोना चाचणी पॉझिटिव्ह आली आहे. ट्विटरवर ट्विट करत प्रताप सरनाईक यांनी ही माहिती दिली आहे. त्याचप्रमाणे माजी केंद्रीय मंत्री आणि शिवसेना नेते अरविंद सावंत यांनीही ट्विट करून कोरोना रिपोर्ट पॉझिटिव्ह आल्याची माहिती दिली आहे.

काय आहे प्रताप सरनाईक यांचं ट्विट?

कोरोनाची प्राथमिक लक्षणे जाणवल्यानंतर, माझी कोरोना चाचणी केली असता ती पॉजीटिव्ह आली आहे. डॉक्टरांच्या सल्ल्याने मी हॉस्पिटलमध्ये वैद्यकीय उपचार घेत आहे. गेल्या काही दिवसात माझ्या संपर्कात आलेल्यांनी स्वतःची चाचणी करून घ्यावी तसेच आपल्या प्रकृतीची काळजी घ्यावी ही विनंती.

काय आहे अरविंद सावंत यांचं ट्विट?

माझी कोरोना टेस्ट पॉझिटिव्ह आली असल्याने मी स्वतः विलगीकरणात जात आहे. माझ्या संपर्कात आलेल्या सर्वांनी आपली कोरोना टेस्ट करुन घ्यावी, ही नम्र विनंती. काळजी घ्या.!

कोरोना रुग्णांवर उपचार करताना
कोरोना रुग्णांवर उपचार करताना फोटो - API

महाराष्ट्रातल्या कोणत्या राजकीय व्यक्तींना कोरोना?

महाराष्ट्राचे महसूल मंत्री बाळासाहेब थोरात यांना काही दिवसांपूर्वी कोरोना झाला. त्यांनी कोरोना चाचणी पॉझिटिव्ह आल्याची माहिती ट्विटरवर दिली होती.

महिला आणि बाल कल्याण मंत्री यशोमती ठाकूर यांनाही कोरोनाने गाठलं. त्यांना कोणतीही लक्षणं नाहीतर मात्र कोरोना झाला आहे ही माहिती त्यांनीच दिली.

महाराष्ट्राचे आदिवासी विकास मंत्री के. सी. पडवी यांनाही कोरोना झाला आहे

शिक्षण मंत्री वर्षा गायकवाड यांना दुसऱ्यांदा कोरोना झाला त्याची माहिती त्यांनी ट्विटरवरून दिली

राष्ट्रवादीचे नेते आणि राज्यमंत्री प्राजक्त तनपुरेंनाही काही दिवसांपूर्वी कोरोना झाला ज्याची माहिती त्यांनी ट्विटरवरून दिली.

रोहित पवार यांचाही कोरोना रिपोर्ट पॉझिटिव्ह आला आहे. रात्री उशिरा त्यांनी यासंदर्भातली माहिती दिली. अजित पवारांनी त्यांना जामखेड येथे झालेल्या भाषणात मास्क न लावण्यावरून झापलं होतं.

पंकजा मुंडे यांनाही पुन्हा एकदा कोरोना झाला आहे याची माहिती त्यांनी दिली.

भाजपचे नेते राधाकृष्ण विखे पाटील यांनाही कोरोना झाला आणि त्यांनी याबाबतची माहिती ट्विटरवरून दिली होती. ते एका लग्नात सहभागी झाले होते तिथे त्यांनी मास्क लावला नव्हता त्याचप्रमाणे अधिवेशनातही त्यांनी मास्क लावला नव्हता.

इंद्रनील नाईक, चंद्रकांत निंबा पाटील, समीर मेघे, माधुरी मिसाळ या आमदारांनाही कोरोना झाला आहे.

राष्ट्रवादी काँग्रेसच्या खासदार सुप्रिया सुळे यांनाही कोरोना झाला तसंच त्यांचे पती सदानंद सुळे यांनाही कोरोना झाला आहे.

प्रताप सरनाईक आणि अरविंद सावंत कोरोना पॉझिटिव्ह, सोशल मीडियावर दिली माहिती
भाजप नेत्या पंकजा मुंडे दुसऱ्यांदा कोरोना पॉझिटिव्ह, मुंबईतल्या घरी क्वारंटाईन

अधिवेशनात काय म्हणाले होते अजित पवार?

इथे बसलेले अनेक सदस्य लाखो लोकांचं प्रतिनिधित्व करतात. सध्या कोरोनाचे रूग्ण वाढत आहेत. देशाचे पंतप्रधान नरेंद्र मोदी हेदेखील कोरोनाच्या संकटाबाबत खूप गंभीर आहेत. काही ठराविक जण सोडले तर अजिबात कुणी मास्क लावत नाही. संपूर्ण महाराष्ट्र इथे काय चाललं आहे ते बघतो आहे. जर आम्हीच कुणी मास्क लावत नसू तर काय होईल? मी तर बोलतानाही मास्क लावलेला असतो. काहींना मास्क लावून बोलता येत नाही. मग किमान बोलून झाल्यावर तरी त्यांनी मास्क लावला पाहिजे ना. पण तसंही होताना दिसत नाही. परदेशात तीन दिवसाला दुप्पट रूग्ण वाढत आहेत. पाच लाख मृत्यू होतील असा अंदाजही वर्तवला जातो आहे. महाराष्ट्रातही हे संकट दिसतं आहे अशावेळी त्या गोष्टीचं गांभीर्य लक्षात घेऊन आपण वागलं पाहिजे. उद्या माझ्यासारख्याने जरी मास्क लावला नसेल तर मला बाहेर काढा. विरोधी पक्षनेते तुम्हालाही विनंती आहे. असं बोलत अजित पवार यांनी मास्क न लावणाऱ्या सगळ्यांनाच खडे बोल सुनावले होते.

Related Stories

No stories found.
Mumbai Tak
www.mumbaitak.in