भोंगा प्रकरण: मोठी बातमी… राज ठाकरेंनी खंद्या समर्थकाला शहरप्रमुख पदावरुन हटवलं!

मुंबई तक

ADVERTISEMENT

Mumbaitak
social share
google news

पुणे: पुण्यातील मनसेचे शहरप्रमुख आणि राज ठाकरे यांचे कट्टर समर्थक अशी ओळख असलेल्या वसंत मोरे यांना शहरप्रमुख पदावरुन हटविण्यात आलं आहे. त्यांच्याऐवजी नगरसेवक साईनाथ बाबर यांची पुणे शहर प्रमुखपदी निवड करण्यात आली आहे. त्यामुळे वसंत मोरे यांच्यासाठी हा मोठा धक्का मानला जात आहे.

मनसे अध्यक्ष राज ठाकरे यांच्या मुंबईतील ‘शिवतीर्थ’ निवासस्थानी आज (6 एप्रिल) मनसेच्या पुण्यातील काही महत्त्वाच्या पदाधिकाऱ्यांना बोलविण्यात आलं होतं. पण या बैठकीला वसंत मोरे यांना निमंत्रित करण्यात आलं नव्हतं. याच बैठकीत बरीच खलबतं झाल्यानंतर राज ठाकरे यांनी वसंत मोरे यांना शहरप्रमुख पदावरुन हटवत त्याऐवजी साईनाथ बाबर यांची निवड केली.

मनसेच्या अधिकृत फेसबुक पेजवर याची माहिती देण्यात आली आहे. पाहा नेमकं काय म्हटलं आहे.

हे वाचलं का?

ADVERTISEMENT

‘महाराष्ट्र नवनिर्माण सेनेचे अध्यक्ष मा. श्री. राजसाहेब ठाकरे यांच्या आदेशाने आज नगरसेवक श्री. साईनाथ संभाजी बाबर यांची पक्षाच्या पुणे शहर अध्यक्षपदी नियुक्ती करण्यात आली आहे. नव्या जबाबदारीसाठी श्री. साईनाथ बाबर यांचे मनःपूर्वक अभिनंदन आणि भावी राजकीय वाटचालीसाठी शुभेच्छा!’ अशी पोस्ट मनसे अधिकृत पेजवर टाकण्यात आली आहे.

राज ठाकरेंनी थेट वसंत मोरेंवर का केली कारवाई?

ADVERTISEMENT

पुण्यातील मनसे नगरसेवक वसंत मोरे यांनी प्रसारमाध्यमात बोलत असताना आपण द्विधा मनस्थितीतअसल्याचं मान्य करत राज ठाकरेंशी भेटून याबद्दल चर्चा करणार असल्याचं वसंत मोरेंनी सांगितलं होतं. राज ठाकरेंनी दिलेल्या आदेशानंतर नाराज झालेल्या दोन मुस्लिम मनसे पदाधिकाऱ्यांनी पुण्यात राजीनामे दिले आहेत. या पार्श्वभूमीवर मनसेच्या नाराज कार्यकर्त्यांशी आपण संवाद साधणार असल्याचंही वसंत मोरेंनी सांगितलं होतं.

ADVERTISEMENT

‘राज ठाकरेंनी दिलेल्या आदेशावरुन मी जरी द्विधा मनस्थितीत असलो तरीही मी त्यांची साथ सोडणार नाही. राज ठाकरेंसोबत गेली 27 वर्ष मी काम करतो आहे. या कारकिर्दीत मी 15 वर्ष नगरसेवक, एकवेळा गटनेता आणि शहराध्यक्ष म्हणून काम केलं आहे. प्रत्येकवेळी राज साहेबांचा आदेश मानत आंदोलनात सहभाग घेतला आहे आणि यापुढेही घेत राहीन.’

‘मी ज्या प्रभागाचा नगरसेवक आहे तिकडे मुस्लिम समाज सर्वाधिक आहे. आतापर्यंत झालेल्या निवडणुकांमध्ये मतं देऊन त्यांनी मला विजयी केलं आहे. सध्याच्या घडीला जर लाऊडस्पीकरवर हनुमान चालीसा लावण्याचा निर्णय घेतला तर आगामी निवडणुक काळात मला याचा फटका बसू शकतो. त्यामुळे राज ठाकरेंशी भेट घेऊन मी त्यांना सर्व परिस्थिती समजावून सांगणार आहे.’ असं वसंत मोरेंनी मुंबई Tak शी बोलताना सांगितलं होतं.

वसंत मोरे यांनी ही जी भूमिका घेतली होती ती त्यांनी थेट मीडियाच्या माध्यमातून मांडली होती. त्याबाबत पक्षाच्या नेत्यांशी कोणतीही चर्चा केली नव्हती. त्यामुळेच आता त्यांच्यावर ही पक्षांतर्गत कारवाई करण्यात आली आहे.

‘माझ्या प्रभागात सर्वाधिक मुस्लीम’, लाऊडस्पीकरच्या आदेशावर राज ठाकरेंचा खंदा समर्थक संभ्रमात

मशिदीवरील भोंग्याबाबत राज ठाकरे काय म्हणाले होते?

‘मशिदीवर लागणारे भोंगे खाली उतरवावे लागतील. सरकारला हा निर्णय घ्यावा लागेल. नाहीतर आज आणि आता सांगतोय, ज्या मशिदीबाहेर भोंगे लागतील. त्याच्या दुप्पट स्पीकर लावायचे आणि हनुमान चालीसा लावायची.’

‘मी धर्मांध नाही. धर्माभिमानी आहे. आमचा कुणाच्या प्रार्थनेला विरोध नाही. पण तुम्ही आम्हाला त्रास देऊ नका. ज्याप्रकारे स्पीकरचा सकाळ पाच वाजल्यापासून त्रास होतो. धर्म बनला तेव्हा लाऊड स्पीकर होता का? बाहेरच्या देशात बघा. कुठेही लाऊडस्पीकर दिसणार नाही. प्रार्थना घरात करा. प्रत्येकाने आपापला धर्म घरात ठेवला पाहिजे. आमच्याकडं मंदिर आहेत. टाका धाडी. काय मिळणार घंटा. आमच्याकडे काहीच नाही.’

‘जातीत खितपत पडलेला. हतबल. सत्ताधाऱ्यांसमोर लाचार झालेला. कुणासमोरही फरफटत जाणारा. असला समाज नाही आवडत. असल्या लोकांचं नेतृत्व करायला नाही आवडत. मला आरे ला कारे म्हणणारी माणसं हवीत. कोणत्याही सत्ताधाऱ्याची तुमच्याशी गद्दारी करायची हिंमत झाली नाही पाहिजे.’ असं राज ठाकरे शिवाजी पार्कवरील सभेत बोलले होते.

    follow whatsapp

    ADVERTISEMENT