गर्लफ्रेंडच्या सौंदर्याची इतकी भूरळ पडली की, प्रेमात वेडा होऊन केलं भयंकर कृत्य!

UP Crime News : उत्तर प्रदेशातील उन्नाव जिल्ह्यात नात्याला काळिमा फासणारी एक धक्कादायक घटना समोर आली आहे. प्रेमात आंधळ्या झालेल्या एका पतीने आपल्या पत्नीची निर्घृण हत्या केली आहे. ही घटना बीघापूर पोलीस ठाण्याच्या हद्दीतील बाबूखेडा गावात घडली असून, गंगादीन लोधी असे अटक करण्यात आलेल्या आरोपीचे नाव आहे. गंगादीनचे गावातीलच एका विवाहित महिलेशी दीर्घकाळापासून प्रेमसंबंध होते, तिचा पती कामानिमित्त बाहेर राहत असे. जेव्हा गंगादीनची 40 वर्षीय पत्नी आरती हिला या अनैतिक संबंधांची माहिती मिळाली, तेव्हा तिने याला तीव्र विरोध करण्यास सुरुवात केली. या विरोधातूनच त्यांच्यात सतत भांडणे होत होती आणि अखेर या वादाचा शेवट एका निष्पाप महिलेच्या मृत्यूने झाला आहे.