सातारा जिल्हा बँक पुन्हा वादात : पहिलीच बैठक पंचतारांकित हॉटेलमध्ये, संचालक मंडळावर टीका

नव्या प्रतिनिधींना कामकाजाची माहिती व्हावी यासाठी कार्यशाळा घेण्याची पद्धत असते. सर्वच स्तरांवर अशा कार्यशाळा घेतल्या जातात. जिल्हा बँकांवर निवडून येणारे प्रतिनिधी देखील त्यास अपवाद नाहीत. काही संचालकांनी दिलेल्या माहितीनुसार, नाबार्डच्या नियमांनुसार नव्याने निवडून आलेल्या संचालक मंडळाची कार्यशाळा एक महिन्याच्या आत घेणं बंधनकारक आहे. त्यानुसार ही कार्यशाळा घेतली गेली. या कार्यशाळेत संचालकांना कर्तव्ये, जबाबदाऱ्या व सहकार क्षेत्राच्या पुढील आव्हानांची माहिती दिली जाते.

राज्य बँकेचे अध्यक्ष, सहकार आयुक्त, आणि नाबार्डचे सीजीएम यांनी या बैठकीत संचालकांना मार्गदर्शन केलं. यावेळी बँकेचा अधिकारी वर्ग सुद्धा उपस्थित होता. या कार्यशाळेला शिवेंद्रराजे भोसले, ज्ञानदेव रांजणे, शेखर गोरे आणि उदयनराजे भोसले हे अनुपस्थित होते.