Schools Reopen : 17 ऑगस्टपासून महाराष्ट्रातल्या शाळा सुरू होणार-वर्षा गायकवाड

गेल्या दीड वर्षापासून कोरोनामुळे शाळा बंद होत्या त्या आता सुरू कऱण्याचा निर्णय घेण्यात आला आहे. शालेय शिक्षण मंत्री वर्षा गायकवाड यांनी यासंदर्भातली घोषणा केली आहे. 8 वी ते 12 वी शहरी भागात आणि पाचवी ते बारावी ग्रामीण भागात शाळा सुरू करण्यात येतील अशी महत्त्वाची माहिती वर्षा गायकवाड यांनी दिली आहे. कोरोनाचे सगळे प्रोटोकॉल पाळणं विद्यार्थी आणि शाळा प्रशासनासाठी महत्त्वाचं असणार आहे असंही वर्षा गायकवाड यांनी स्पष्ट केलं आहे. तसंच शाळा सुरू करण्याच्या नियमावलीवर सध्या काम सुरू असून ती नियमावली लवकरच जाहीर केली जाईल असंही स्पष्ट करण्यात आलं आहे. कोरोनामुळे मार्च 2020 पासून राज्यातल्या शाळा बंद आहेत. मात्र आता राज्य सरकारने घेतलेल्या निर्णयामुळे शाळा पुन्हा एकदा सुरू होणार आहेत.