“आज फक्त ट्रेलर दाखवलाय, पिक्चर अभी बाकी है” : गोकुळमधील राड्यानंतर महाडिकांचा इशारा
गोकुळ दूध संघाची 60 वी वार्षिक सर्वसाधारण सभा आज प्रचंड गोंधळात पार पडली. यावेळी सभासदांना प्रश्‍न विचारण्यासाठी माईक मिळाला नाही. सत्ताधारी पाटील-मुश्रीफ गटाचे आणि विरोधी महाडिक आघाडी यांच्याकडून जोरदार घोषणा दिल्या जात होत्या. अध्यक्षांच्या भाषणावेळी अक्षरशः गोंधळाची स्थिती होती. सत्ताधारी गटाकडून ठराव मंजुरीच्या, तर विरोधी आघाडीकडून ठराव नामंजुरीच्या जोरदार घोषणा दिल्या जात होत्या. सभा सुरू […]
ADVERTISEMENT
गोकुळ दूध संघाची 60 वी वार्षिक सर्वसाधारण सभा आज प्रचंड गोंधळात पार पडली. यावेळी सभासदांना प्रश्‍न विचारण्यासाठी माईक मिळाला नाही. सत्ताधारी पाटील-मुश्रीफ गटाचे आणि विरोधी महाडिक आघाडी यांच्याकडून जोरदार घोषणा दिल्या जात होत्या. अध्यक्षांच्या भाषणावेळी अक्षरशः गोंधळाची स्थिती होती. सत्ताधारी गटाकडून ठराव मंजुरीच्या, तर विरोधी आघाडीकडून ठराव नामंजुरीच्या जोरदार घोषणा दिल्या जात होत्या. सभा सुरू झाल्यापासून सुमारे एक तास दहा मिनिटे प्रचंड गोंधळ सुरू होता. अशा तणावपूर्ण वातावरणात उपस्थितांचे आभार न मानताच, सभा उरकण्यात आली.
आज सभा सुरू होण्यापूर्वीच सत्ताधारी आघाडीने व्यासपीठासमोरील खुर्च्यांवर आपले कार्यकर्ते आणून बसवले होते. त्यामुळे अनेक सभासदांना बसायला जागा मिळाली नाही. संचालिका शौमिका महाडिक यांच्या नेतृत्वाखाली विरोधी आघाडीच्या सभासदांनी जोरदार घोषणा देत, सभागृहात प्रवेश केला. काही सभासदांच्या हातात माजी आमदार महादेवराव महाडिक यांच्या समर्थनाचे फलक होते. तर विरोधी आघाडीच्या घोषणा सुरू असतानाच सत्ताधारी आघाडीच्या सदस्यांनी प्रत्युत्तरात घोषणा दिल्या. त्यामुळं सभागृहात एकच गोंधळ उडाला होता.
“रोहित पवारांचं भविष्य भाजपच्या लोकांनी सांगितलं”, शरद पवारांना नेमकं काय म्हणायचं आहे?
दुपारी 1 वाजता विश्वास पाटलांनी घेतली सुत्र हातात :
गोंधळाच्या वातावरणात 1 वाजता अध्यक्ष विश्वास पाटील यांनी सभेला सुरुवात केली. अहवाल सालात संघाची उलाढाल 2 हजार 929 कोटी रुपये झाली आहे. सोबत खर्चात काटकसर करून तब्बल 10 कोटी रुपयांची बचत केल्याचेही त्यांनी सांगितले. तसेच संघाच्या प्रस्तावित योजनांची माहिती दिली.
हे वाचलं का?
