शिवरायांना वंदन करण्यासाठी शिवनेरीवर मोठी गर्दी, मध्यरात्री चेंगराचेंगरी; काही शिवभक्त जखमी झाल्याची माहिती
Shivjayanti 2026 : मिळालेल्या प्राथमिक माहितीनुसार, अंबरखाना परिसरात असणारा हत्ती दरवाजा आणि गणेश दरवाजाच्या दरम्यान असलेल्या अरुंद दरवाज्यात प्रमाणापेक्षा जास्त गर्दी झाल्याने ही परिस्थिती निर्माण झाली. मध्यरात्रीच्या सुमारास शिवनेरीवर दर्शनासाठी आणि ऐतिहासिक स्थळ पाहण्यासाठी आलेल्या शिवभक्तांची संख्या मोठी होती. अरुंद प्रवेशमार्गामुळे लोकांचा ओघ वाढत गेला आणि पुढे जाण्यासाठी एकच मार्ग उपलब्ध असल्याने ढकलाढकली सुरू झाली.
ADVERTISEMENT
बातम्या हायलाइट
शिवरायांना वंदन करण्यासाठी शिवनेरीवर मोठी गर्दी
मध्यरात्री चेंगराचेंगरी; काही शिवभक्त जखमी झाल्याची माहिती
Shivjayanti 2026 : जुन्नर तालुक्यातील ऐतिहासिक किल्ले शिवनेरी येथे मध्यरात्री मोठी गर्दी झाल्याने चेंगराचेंगरीसारखी परिस्थिती निर्माण झाली. शिवजयंतीच्या निमित्ताने शिवभक्तांनी शिवनेरी किल्ल्यावर मोठी गर्दी केली आहे. या घटनेत काही शिवभक्त जखमी झाल्याची माहिती समोर आली आहे. अचानक वाढलेल्या गर्दीमुळे काही काळ परिसरात गोंधळाचे वातावरण निर्माण झाले होते.
मिळालेल्या प्राथमिक माहितीनुसार, अंबरखाना परिसरात असणारा हत्ती दरवाजा आणि गणेश दरवाजाच्या दरम्यान असलेल्या अरुंद दरवाज्यात प्रमाणापेक्षा जास्त गर्दी झाल्याने ही परिस्थिती निर्माण झाली. मध्यरात्रीच्या सुमारास शिवनेरीवर दर्शनासाठी आणि ऐतिहासिक स्थळ पाहण्यासाठी आलेल्या शिवभक्तांची संख्या मोठी होती. अरुंद प्रवेशमार्गामुळे लोकांचा ओघ वाढत गेला आणि पुढे जाण्यासाठी एकच मार्ग उपलब्ध असल्याने ढकलाढकली सुरू झाली.
हेही वाचा : नागपूर : पत्नीसोबत अफेअर असल्याचा संशय, नवऱ्याने अल्पवयीन मुलावर त्याच्या मित्राला अत्याचार करायला भाग पाडलं
गर्दी नियंत्रणासाठी त्या ठिकाणी पोलिस प्रशासन किंवा स्थानिक प्रशासन तात्काळ उपस्थित नसल्याची प्राथमिक माहिती समोर येत आहे. त्यामुळे परिस्थितीवर नियंत्रण ठेवण्यास उशीर झाल्याचे सांगितले जात आहे. काही वेळातच ढकलाढकलीचे रूपांतर चेंगराचेंगरीत झाले आणि काही शिवभक्तांना दुखापत झाली.
हे वाचलं का?
