अविनाश भोसलेंना आर्थिक गैरव्यवहार प्रकरणी ८ जूनपर्यंत CBI कोठडी

पुण्यातील प्रसिद्ध उद्योजक अविनाश भोसलेंना सत्र न्यायालयाने ८ जून पर्यंत सीबीआय कोठडी सुनावली आहे. त्यांना २६ मे रोजी अटक करण्यात आली होती. सीबीआयने भोसले यांना न्यायालयासमोर हजर केलं त्यानंतर न्यायाधीश शिंगाडे यांनी दोन्ही बाजूच्या वकिलांचा युक्तिवाद ऐकून घेतला आणि हा निर्णय दिला. भोसले यांना सीबीआयच्या गेस्ट हाऊसमध्ये तीन दिवस नजर कैदेत ठेवण्यात आलं होतं. न्यायालयाने दिलेला हा आदेश अविनाश भोसलेंसाठी मोठा धक्का मानला जातो आहे.

एप्रिल महिन्यात अविनाश भोसले यांच्या घरी आणि अविनाश भोसले इन्फ्रास्ट्रक्चर लिमिटेडशी संबंधित असलेल्या ठिकाणी ही छापेमारी करण्यात आली होती. मुंबई आणि पुण्यातल्या एकूण ८ ठिकाणी ही छापेमारी करण्यात आली होती.