एकट्या राहणाऱ्या आजींना आलं एक लाखाचं वीज बिल, हार्ट अटॅक यायचाच बाकी राहिला..
नालासोपारा पश्चिमेच्या एका जुन्या इमारतीत राहणाऱ्या 70 वर्षीय आजींना महावितरणाकडून तब्बल एक लाखाचे बिल पाठविल्याच्या धक्कादायक प्रकार उघडकीस आला आहे. क्रसेल मारिया असं या आजींचे नाव असून त्या घरात एकट्याच राहतात. दर महिन्याला या आजींना पंखे आणि लाईट वापराचे 200 ते 250 रूपये बिल येत होते. मात्र या महिन्यात आजींना तब्बल 97 हजार 520 रूपये बिल […]
ADVERTISEMENT
नालासोपारा पश्चिमेच्या एका जुन्या इमारतीत राहणाऱ्या 70 वर्षीय आजींना महावितरणाकडून तब्बल एक लाखाचे बिल पाठविल्याच्या धक्कादायक प्रकार उघडकीस आला आहे. क्रसेल मारिया असं या आजींचे नाव असून त्या घरात एकट्याच राहतात. दर महिन्याला या आजींना पंखे आणि लाईट वापराचे 200 ते 250 रूपये बिल येत होते. मात्र या महिन्यात आजींना तब्बल 97 हजार 520 रूपये बिल पाठवण्यात आलं. महावितरणचं हे बिल पाहून आजी थोडक्यात हार्ट अटॅकच्या धक्क्यातून बचावल्या. महावितरणाच्या या अनागोंदी कारभारामुळे आजींची प्रकृती ढासळली आहे. घरात टीव्ही, फ्रिज नसताना देखील डोळे बंद करून भरमसाठ बिल पाठविणाऱ्या महावितरणाच्या कारभाराविरोधात रहिवाशांमधून संताप व्यक्त केला जातो आहे.
काय म्हणाल्या आजी?
‘माझ्या घरात दोन लाईट आहेत, दोन पंखे आहेत तसंच टॉयलेट बाथरूममधे लाईट आहेत. दुसरं काहीही नाही. घरात टीव्ही आणि फ्रिजही नाही. तरीही मला 97 हजारांचं बिल पाठवण्यात आलं. ते पाहून मला चक्कर आली, ताप आला हार्ट अटॅक यायचाच बाकी राहिला होता.’ असं आजींनी मुंबई तकशी बोलताना सांगितलं.
हे वाचलं का?
