पवार, ठाकरेंसह 9 विरोधी नेत्यांचं मोदींना पत्र; राणेंचा उल्लेख, गंभीर आरोप
9 Opposition Leaders Letter To PM Narendra Modi : विरोधी पक्षातील नेत्यांवर केंद्रीय यंत्रणांच्या (central investigation agencies) वाढत्या कारवायांनंतर प्रादेशिक पक्षाच्या 9 नेत्यांनी पंतप्रधान नरेंद्र मोदी (PM Narendra Modi) यांना पत्र लिहून कात्रीत पकडण्याचा प्रयत्न केला आहे. विरोधी पक्षांनी गेल्या काही वर्षांत भाजपमध्ये (BJP) सामील झालेल्या विविध नेत्यांच्या नावांचा उल्लेख करत मोदींना (PM Modi) सवाल […]
ADVERTISEMENT
9 Opposition Leaders Letter To PM Narendra Modi : विरोधी पक्षातील नेत्यांवर केंद्रीय यंत्रणांच्या (central investigation agencies) वाढत्या कारवायांनंतर प्रादेशिक पक्षाच्या 9 नेत्यांनी पंतप्रधान नरेंद्र मोदी (PM Narendra Modi) यांना पत्र लिहून कात्रीत पकडण्याचा प्रयत्न केला आहे. विरोधी पक्षांनी गेल्या काही वर्षांत भाजपमध्ये (BJP) सामील झालेल्या विविध नेत्यांच्या नावांचा उल्लेख करत मोदींना (PM Modi) सवाल केले आहेत. या पत्रावर उद्धव ठाकरे (Uddhav Thackeray) यांचंही नाव असून केंद्रीय मंत्री नारायण राणे (Narayan Rane) यांच्या प्रकरणाचाही उल्लेख करण्यात आलेला आहे.
शरद पवार, उद्धव ठाकरे, के. चंद्रशेखर राव, ममता बॅनर्जी, अरविंद केजरीवाल, अखिलेश यादव, तेजस्वी यादव, फारुख अब्दुल्ला, भगवंत मान या नेत्यांनी पंतप्रधान नरेंद्र मोदी यांना संयुक्त पत्र लिहिलं आहे.
विरोधकांनी पत्रात म्हटलं आहे की, भारत अजूनही लोकशाही देश असल्याच्या मतांशी तुम्ही सहमत असाल अशी अपेक्षा आहे. विरोधी पक्षातील नेत्यांविरुद्ध केंद्रीय यंत्रणांचा होत असलेल्या गैरवापरावरून असं दिसत आहे की, आपण लोकशाहीतून निरंकुशतेकडे वाटचाल करत आहोत.
‘अंधभक्तांनो, हे कधी थांबणार?’, संजय राऊतांचा थेट मोदी-शाहांवर प्रहार
