देशात कोरोना रुग्ण वाढताच लॉकडाऊनबाबत पाहा केंद्र सरकारने काय दिला आदेश
नवी दिल्ली: ‘लॉकडाऊन (Lockdown) हा अंतिम पर्याय आहे’, असं स्वत: पंतप्रधान नरेंद्र मोदी (PM Modi) यांनी काही दिवसांपूर्वी देशाला संबोधित करताना म्हटलं होतं. लॉकडाऊनमुळे बरंच आर्थिक नुकसान होत असल्याचं दिसून आलं होतं. त्यामुळेच आतापर्यंत अनेक जण लॉकडाऊनला विरोध करत असल्याचं दिसून आलं होतं. महाराष्ट्रात देखील भाजपच्या नेत्यांनी लॉकडाऊनला बराच विरोध केला होता. मात्र असं असताना […]
ADVERTISEMENT
नवी दिल्ली: ‘लॉकडाऊन (Lockdown) हा अंतिम पर्याय आहे’, असं स्वत: पंतप्रधान नरेंद्र मोदी (PM Modi) यांनी काही दिवसांपूर्वी देशाला संबोधित करताना म्हटलं होतं. लॉकडाऊनमुळे बरंच आर्थिक नुकसान होत असल्याचं दिसून आलं होतं. त्यामुळेच आतापर्यंत अनेक जण लॉकडाऊनला विरोध करत असल्याचं दिसून आलं होतं. महाराष्ट्रात देखील भाजपच्या नेत्यांनी लॉकडाऊनला बराच विरोध केला होता. मात्र असं असताना आता केंद्र सरकारनेच (Central Govt) लॉकडाऊनबाबत एक मोठा निर्णय घेतला आहे.
केंद्रीय आरोग्य विभागाने आता एक परिपत्रक देखील जारी केलं आहे. ज्यामध्ये त्यांनी म्हटलं आहे की, कोरोना (Corona) संक्रमणाची साखळी तोडण्यासाठी स्थानिक कंटेन्मेंट झोन तयार करुन तिथे 14 दिवसांच्या लॉकडाऊन लागू केला जाऊ शकतो.
मागील काही दिवसांपासून दररोज कोरोनाचे नवे रुग्ण मोठ्या संख्येने सापडत आहेत. ज्या भागात कोरोनाचा संसर्ग झपाट्याने होत आहे अशा ठिकाणची परिस्थिती नियंत्रणात आणण्यासाठी केंद्र सरकारने राज्यांना कोविड व्यवस्थापन आणि नियंत्रणाच्या कठोर उपायांवर विचार करण्याची तातडीची गरज असल्याचं स्पष्टपणे सांगितलं आहे.
हे वाचलं का?
ADVERTISEMENT
तसंच यावेळी स्पष्ट करण्यात आलं आहे की, वाढते कोरोना रुग्ण आणि संक्रमण आपण नियंत्रणात आणू शकलो नाही तर आपल्याकडे सध्या जी आरोग्य व्यवस्था आहे ती कोलमडून पडेल. यावर अधिक जोर देण्यात आला आहे.
Lockdown हा शेवटचा पर्याय ठेवा, पंतप्रधान नरेंद्र मोदींचं सर्व राज्यांना कळकळीचं आवाहन
ADVERTISEMENT
या परिपत्रकात असंही नमूद करण्यात आलं आहे की, ज्या जिल्ह्यात, शहरात आणि परिसरात कोरोना संसर्ग अधिक आहे तिथे तात्काळ आणि योग्य ती कारवाई करण्याची आवश्यकता आहे. येथील परिस्थिती सामान्य करण्यासाठी जी कारवाई करायची आहे त्यासाठी काही मापदंड निश्चित करण्यात आले आहेत. याच मापदंडानुसार लॉकडाऊन आणि कन्टेन्मेंट झोन तयार केला जावा. असं पत्रकात म्हटलं आहेत.
ADVERTISEMENT
‘या’ मापदंडांनुसार आपल्या जिल्ह्यात किंवा शहरात 14 दिवसांचा लॉकडाऊन लागू शकतो:
1. टेस्ट पॉझिटिव्हिटी दर: मागील 1 आठवड्यात 10 टक्के टेस्ट पॉझिटिव्हिटी दर असल्यास: म्हणजेच समजा, एखाद्या जिल्ह्यात मागील एक आठवड्यात करण्यात आलेल्या कोरोना चाचणांचा दर (Test Positivity Rate) हा 10 टक्के असेल तर स्थानिक प्रशासन केंद्र सरकारच्या आदेशानुसार त्या जिल्ह्यात 14 दिवसाचा लॉकडाऊन करु शकतं.
2. रुग्णालयात किती बेड भरले आहेत त्यानुसार: ऑक्सिजन आणि आयसीयू बेड हे ६० टक्क्यांहून अधिक भरलेले असतील तर: म्हणजेच एखाद्या जिल्ह्यात किंवा शहरात एकूण उपलब्ध असलेल्या बेड्सपैकी (आयसीयू आणि ऑक्सिजन बेड) 60 टक्के बेड्स हे कोरोना रुग्णांनी भरलेले असतील तर तिथे देखील 14 दिवसांचा लॉकडाऊन केला जाऊ शकतो.
ज्या जिल्ह्यांमधील अशा कारवाईची आवश्यकता आहे तिथे याबाबतचं स्थानिक नियोजन हे राज्यांकडून केले जावे. असे आदेशही केंद्र सरकारकडून देण्यात आले आहेत.
“भूक, बेरोजगारी, आत्महत्या हे तीन पर्याय मोदी सरकारने ठेवले आहेत”
दरम्यान, यावेळी असंही स्पष्ट करण्यात आलं आहे की, कोरोनाचं संक्रमण रोखण्यासाठी प्रामुख्याने कंटेन्मेंट झोनवर लक्ष केंद्रीत करण्यात यावं. (as the number of corona patients in the country increases then central government given important order on lockdown)
ADVERTISEMENT