सोलापूर : आमदार गोपीचंद पडळकरांच्या गाडीवर दगडफेक, घोंगडी बैठकीवरुन परतताना झाला हल्ला

मिळालेल्या माहितीनुसार Activa गाडीवरुन आलेल्या दोघांनी पडळकरांच्या गाडीवर मोठे दगड फेकले, ज्यात त्यांच्या गाडीच्या काचेच नुकसान झालंय. या हल्ल्यात पडळकर किंवा त्यांच्या सहकाऱ्यांना कोणतीही दुखापत झालेली नाही. दडगफेक केल्यानंतर हे दोन तरुण तिकडून पसार झालेत.

‘शरद पवार मोठे आहेत हे मी मानत नाही’,
आमदार पडळकरांची पवारांवर विखारी टीका

दरम्यान या घटनेनंतर पडळकरांनी पुन्हा एकदा पवारांवर हल्लाबोल केला आहे. “पवारांच्या नेतृत्वाखाली गुंडगिरी कशी चालते हे आता राज्याला माहिती आहे. माझी इथे कोणाशीही ओळख नाही किंवा शत्रुत्व नाही, तरीही कोणाला तरी पुढे करुन माझ्यावर हल्ला झाला आहे. माझा आवाज असा बंद होणार नाही, उद्या मला गोळ्या घातल्यात तरीही मी मागे हटणार नाही.”