अभिनेता संजय दत्तला UAE सरकारकडून मिळाला Golden Visa

का महत्त्वाचा आहे गोल्डन व्हिसा?

गोल्डन व्हिसा लाँग टर्म रेसिडेंस व्हेंट आहे. हा व्हिसा मे 2019 मध्ये पंतप्रधान आणि दुबईच्या शासकांनी दिलेल्या अप्रुव्हलनंतर लागू करण्यात आला. 2020 मध्ये युएई सरकारने या व्हिसाची सुरूवात केली होती. या व्हिसाचा अवधी दहा वर्षांचा असतो. अनेक प्रतिभाशाली लोकांना गल्फ कंट्रीजमध्ये वसवणं हा या व्हिसाचा उद्देश आहे.

संजय दत्त नेहमीच त्याच्या कामानिमीत्त दुबईमध्ये ये-जा करीत असतो. यंदाची ईद देखील त्याने त्याच्या कुटूंबासह दुबाईमध्येच साजरी केली होती. गेल्या काही दिवसांपासून तो सध्या त्याच्या कुटूंबासह दुबईमध्येच राहत आहे. अशात संजय दत्त हा युएईचा गोल्डन व्हिसा मिळाला असल्यामुळे आता तो UAE म्हणजे संयुक्त अरब अमिरातीमध्ये स्थायिक होऊन व्यवसाय देखील करू शकतो. भारतातल्या मेनस्ट्रीम कलाकारांपैकी अभिनेता संजय दत्त हा पहिला कलाकार आहे ज्याला युएईचा गोल्डन व्हिसा मिळाला आहे.

काही दिवसांपूर्वीच दुबईचे क्राउन प्रिंस शेख हमदान बिन मोहम्मद बिन राशिद अल मक्तूम जुळ्या बाळांचे पिता झाल्याबद्दल अभिनेता संजय दत्तने त्यांचं अभिनंदन केलं होतं. युएईचा गोल्डन व्हिसा हा 10 वर्षांच्या दीर्घ कालावधीसाठी मिळणारा व्हिसा आहे. त्यामूळे आता हा गोल्डन व्हिसा मिळाल्यानंतर अभिनेता संजय दत्त युएईत नवे व्यवसाय सुरू करण्याच्या तयारी असल्याची चिन्हं दिसून येत आहेत.