धुळे: निलंबनाची प्रत हातात पडताच एसटी कर्मचाऱ्याला हृदयविकाराचा झटका

धुळ्यात वीस ते बावीस दिवसांपासून एसटी कर्मचाऱ्यांचे आंदोलन सुरू आहे. आजही आंदोलन सुरू असताना प्रशासनाच्या वतीने 36 कर्मचाऱ्यांना निलंबित करण्यात आल्याची नोटीस देण्यात आली. मात्र, चालक असलेल्या मनोहर पाटील (वय 38) यांना निलंबनाची प्रत हातात पडताच हृदयविकाराचा तीव्र झटका आला.

दरम्यान यावेळी इतर कर्मचाऱ्यांनी तातडीने रुग्णवाहिकेच्या माध्यमातून मनोहर पाटील यांना हिरे शासकीय वैद्यकीय महाविद्यालय दाखल करण्यात आले आहे. सध्या त्यांच्यावर पुढील उपचार सुरू आहे.

दरम्यान 36 पैकी 35 कर्मचाऱ्यांनी निलंबनाचे प्रत हातात घेऊन एकमेकांचा सत्कार करत गांधीगिरी मार्गाने आंदोलन करत राज्यशासन तसेच प्रशासनाच्या विरोधात जोरदार घोषणाबाजी करून आंदोलन सुरुच ठेवलं.