धक्कादायक ! शाळकरी मुलांचं भांडणं, छातीत सुरा खुपसून विद्यार्थ्याचा खून

ठाण्याच्या वागळे इस्टेट भागात असलेल्या या शाळेतील विद्यार्थ्यांमध्ये आज तुंबळ हाणामारी झाली. प्रगती हॉस्पिटलजवळील पाईपलाईन ब्रिजवर शाळेतील दोन गटांमध्ये हाणामारी झाली. ज्यात तीन विद्यार्थ्यांनी पंधरा वर्षीय तुषार गोरख साबळे याच्या छातीत सुरा खुपसून त्याची हत्या केली.

तुषारवर झालेला हल्ला हा इतका भीषण होता की त्याचा हॉस्पिटलमध्ये पोहचण्याआधीच मृत्यू झाला. या प्रकरणात तिन्ही अल्पवयीन आरोपींवर गुन्हा दाखल करण्यात आला असून त्यांना अटक करण्यात आली आहे.