पुण्यात बांधकाम सुरू असलेल्या इमारतीचा स्लॅब कोसळला, आठ कामगार जखमी

या दुर्घटनेची माहिती मिळताच पुणे, पिंपरी चिंचवड आणि पीएमआरडीए अग्निशमन दलाच्या सहा गाड्या घटनास्थळी पोहचल्या. अग्निशमन दल पोहचण्यापूर्वी या सगळ्यांना रूग्णालयात नेण्यात आलं आहे. पाटील नगर येथे इमारतीचं बांधकाम सुरू असताना 10 फूट उंचीचा स्लॅब कोसळून हा अपघात झाला. जे जखमी झाले त्या सगळ्यांना लाईफलाईन हॉस्पिटल वाकड या ठिकाणी नेण्यात आलं आहे.

अग्निशमन विभागाच्या अधिकार्‍यांनी दिलेल्या माहितीनुसार नुसार, शनिवारी रात्री साडे अकराच्या सुमारास बालेवाडी येथील पाटीलनगर येथे निर्माणाधीण इमारतीच पहिल्या मजल्याचं काम सुरू होते.त्यावेळी कामगारांना काही समजण्याच्या आतमध्ये स्लॅब कोसळल्याची घटना घडली.

या घटनेची माहिती आम्हाला मिळताच, पुणे पिंपरी चिंचवड आणि एमएमआरडीएच्या अशा एकूण 6 गाड्या घेऊन, आम्ही काही मिनिटांत घटनास्थळी दाखल झालो. मात्र आम्ही घटनास्थळी पोहोचण्यापूर्वीच 8 जखमी कामगारांना जवळील रूग्णालयात उपचारासाठी दाखल करण्यात आले असून त्यांच्यावर उपचार सुरू आहेत.तर ही घटना नेमकी कशी घडली? हे समजू शकले नसल्याचे त्यांनी सांगितले.