वीज कर्मचारी संपाचा नाशिकमधल्या १२ कुटुंबांना फटका, 72 तास लोटूनही आहेत अंधारात

एक दिवस वीज देयक थकली तरी त्वरित वीजपुरवठा खंडित करणाऱ्या वीज वितरण कंपनीने मात्र नियमित वीज बिल भरणाऱ्या 18 कुटुंबाना वाऱ्यावर सोडले आहे.

शुक्रवारी मध्यरात्री नाशिक शहरातील नवीन नाशिक मधील साई पूजा रो हाऊस ही 12 रो हाऊसची वसाहत आहे, 12 रो हाऊस मध्ये वर खाली असे 18 कुटुंब राहतात. शुक्रवारी मध्यरात्री केबल जळाल्याने ह्या बारा रो हाऊसचा वीजपुरवठा बंद झाला, शुक्रवारी तक्रार केल्यावर शनिवारी वीज वितरण कंपनीचे कर्मचारी शनिवारी दुपारी येऊन गेले पण केबल उपलब्ध नसल्याने जण देत रविवारीही वीज पुरवठा पूर्वरत झाला नाही, सोमवारी मात्र संपाचे कारण देण्यात आले. त्यामुळे नागरिक संतप्त आहे.

या सर्व प्रकाराचा त्रास मात्र नागरिकांना होत आहे, दिवस तर निघून जातो मात्र रात्री जागरण होत आहे, कारण उष्णतेच्या लाटेमुळे लोक हैराण आहेत, साधा फॅन ही नाही, तर गृहिणींना दिवसाच स्वयंपाक करावा लागतो, टॉर्च पण संपले आहेत, त्यामुळे उशीर झाला तर मेणबत्तीच्या प्रकाशात स्वयंपाक करावा लागतोय, फ्रीज मधले सर्व पदार्थ खराब झाली आहेत.

चिराग पवार सध्या दहावीची परीक्षा देतोय, त्याचे 3 पेपर अजून बाकी आहे, त्याचे म्हणणे होते रात्री जर अभ्यास झाला असता तर फायदा झाला असता पण क्लासमध्ये होतो तेवढाच अभ्यास होतोय.

काही महिन्यांच्या बाळाला छोट्या मच्छरदाणीत अंगणात ठेवले आहे, अंधारात ते ही सारखे रडते, काही नागरिकांच्या घरी वयस्कर लोक आहेत तर काही नागरिकांना कंपनीत जावे लागते, दिवसा काम आणि रात्री उष्णता आणि डासांमुळे झोप नाही, त्यांना आशा आहे की त्यांना त्वरित वीज पुरवठा होईल. वीज वितरण कंपनीच्या अधिकाऱ्यांना संपर्क केला असता त्यांनी कॅमेऱ्यावर बोलण्यास नकार दिला तर स्थानिक वायरमन ने केबल भेटली तर वीज पुरवठा करू असे सांगितले.