Mumbai fire : ताडदेवमधील इमारतीला का लागली आग?, जखमींना भरती करण्यास रुग्णालयांचा नकार
मुंबईतील ताडदेव भागात असलेल्या एका २० मजली इमारतीत भीषण आगीची घटना घडली. शनिवारी सकाळी १८व्या मजल्यावर ही घटना घडली. या घटनेत ७ नागरिकांचा मृत्यू झाला असून, २८ लोक जखमी झाल्याची माहिती आहे. दरम्यान, जखमींवर उपचार सुरू असून, आगीचं प्राथमिक कारणही समोर आलं आहे. ताडदेव भागातील भाटिया रुग्णलयासमोर असलेल्या कमला बिल्डिंग या २० मजली रहिवाशी इमारतीत […]
ADVERTISEMENT
मुंबईतील ताडदेव भागात असलेल्या एका २० मजली इमारतीत भीषण आगीची घटना घडली. शनिवारी सकाळी १८व्या मजल्यावर ही घटना घडली. या घटनेत ७ नागरिकांचा मृत्यू झाला असून, २८ लोक जखमी झाल्याची माहिती आहे. दरम्यान, जखमींवर उपचार सुरू असून, आगीचं प्राथमिक कारणही समोर आलं आहे.
ताडदेव भागातील भाटिया रुग्णलयासमोर असलेल्या कमला बिल्डिंग या २० मजली रहिवाशी इमारतीत शनिवारी आगीने तांडव घातलं. १८व्या मजल्यावर अचानक आग लागली आणि बघता बघता आग वाढत गेली. सकाळी ७:३० वाजता ही घटना घडली.
आगीची माहिती मिळाल्यानंतर अग्निशामक दलाच्या १३ गाड्या घटनास्थळी दाखल झाल्या. त्यानंतर आग विझवण्याचं काम युद्धपातळीवर सुरू करण्यात आलं. दरम्यान, या घटनेत ७ जणांचा मृत्यू झाला असून, तब्बल २८ जण जखमी झाले आहेत. जखमींना तातडीने जवळच्या रुग्णालयामध्ये दाखल करण्यात आलं.
हे वाचलं का?
