कोरोनिलचा प्रचार कशासाठी? IMA चा आरोग्यमंत्र्यांना तिखट प्रश्न

देशातील डॉक्टरांची सर्वात मोठी संघटना अर्थात इंडियन मेडिकल असोसिएशन आरोग्यमंत्री हर्षवर्धन यांच्यावर प्रचंड नाराज झाली आहे. कोरोनिलच्या प्रचारात तुम्ही काय करत होतात? असा प्रश्न डॉक्टरांच्या या संघटनेने आरोग्यमंत्र्यांना विचारला आहे. योगगुरू बाबा रामदेव यांच्या कोरोनिल औषधावरून वाद निर्माण झाला आहे. कोरोनाशी लढा देण्यास कोरोनिल प्रभावी आहे या औषधाला जागतिक आरोग्य संघटना अर्थात WHO ने मान्यता दिल्याचा दावा पतंजलीने केला आहे. मात्र WHO ने हा दावा फेटाळला आहे. यानंतर तुम्ही अशा खोटा प्रचार करणाऱ्या औषधांच्या कार्यक्रमात काय करत होतात? असा प्रश्न IMA ने केंद्रीय आरोग्यमंत्री हर्षवर्धन यांना विचारला आहे.