पुण्यातील कुख्यात गुंड गजा मारणेच्या पत्नीचा राष्ट्रवादी काँग्रेसमध्ये प्रवेश

पुण्यातील गुंड गजानन मारणे हा तळोजा कारागृहातून बाहेर पडल्यानंतर पुण्यापर्यंत जवळपास 300 चार चाकीने रॅली काढली होती. या रॅलीची चर्चा राज्यभरात सुरू होती.त्याच दरम्यान विविध कलमांअंतर्गत गजा मारणेवर गुन्हे दाखल करून, त्याला अटक देखील करण्यात आली. त्या एकूणच प्रकरणी एक वर्षा करिता त्याला स्थानबद्ध करण्यात आले. आता त्याची कारागृहात रवानगी करण्यात आली. हे प्रकरण थांबत नाही. तोवर 2012 च्या निवडणुकीमध्ये कोथरूड भागातून गुंड गजानन मारणेची पत्नी जयश्री मारणे या मनसेमधून निवडून आल्या होत्या.त्यानंतर झालेल्या 2017 च्या निवडणुकीत जयश्री मारणे यांना पराभवाचा सामना करावा लागला होता.

गजा मारणेला वडापाव पडला महागात, दरोड्याचा गुन्हा दाखल

आता महापालिका निवडणुकीला काही दिवस शिल्लक राहिले असताना,जयश्री मारणे यांनी मनसेला राम राम करीत आज राष्ट्रवादी काँग्रेस पक्षात शहर अध्यक्ष प्रशांत जगताप यांच्या उपस्थितीत प्रवेश केला आहे. आता या पक्ष प्रवेशावर राष्ट्रवादी काँग्रेस नेते उपमुख्यमंत्री आणि पालकमंत्री अजित पवार काय भूमिका मांडणार हे महत्त्वाचे ठरणार आहे.