खामगावमध्ये वाघाचं दर्शन?; CCTV कैद झालेल्या दृश्यामुळे नागरिकांमध्ये दहशत

बुलढाणा जिल्ह्यातील खामगाव शहरातील सुटाळपुरा भागात काही नागरिकांना वाघाचं दर्शन घडल्याची घटना समोर आली आहे. नागरिकांनी याची खात्री करण्यासाठी सीसीटीव्ही फुटेज बघितलं. त्यात वाघासारखा प्राणी जाताना दिसला. वनविभागानं पावलांच्या ठशांवरून वाघ असू शकतो, असा अंदाज व्यक्त केल्यानं नागरिकांमध्ये भीतीचं वातावरण आहे.

खामगाव शहराच्या सुटाळपुरा भागातील गाडगे महाराज गल्लीमध्ये राहणाऱ्या एका महिलेला वाघासारखा प्राणी दिसला. शनिवारी (4 डिसेंबर) पहाटे 4 वाजताच्या सुमारास ही घटना घडली.