Maharashtra Corona Update : राज्यात आढळले ४,६६६ कोरोनाबाधित; १३१ जणांचा मृत्यू

राज्याच्या आरोग्य विभागाने दिलेल्या माहितीनुसार आज राज्यात ४ हजार ६६६ रुग्णांची भर पडली. दर दिवसभरात ३ हजार ५१० रुग्ण कोरोनातून बरे होऊन घरी परतले. त्यामुळे राज्यातील एकूण कोरोनामुक्त झालेल्यांची संख्या ६२ लाख ६३ हजार ४१६ इतकी झाली आहे.

Maharashtra | People thronged in huge numbers to Mumbai's Marine Drive after relaxations in COVID-19 guidelines

“Marine Drive is connected to every Mumbaikar's heart. People used to come and relax here. People are feeling free now after relaxations in COVID curbs,” says a local pic.twitter.com/KtuxQVfwuy

— ANI (@ANI) August 29, 2021

राज्यातील कोरोना रुग्ण बरे होण्याचं प्रमाणही दिलासादायक आहे. राज्याचा रिकव्हरी रेट सध्या ९७ टक्के इतका आहे. दरम्यान, राज्यात आज १३१ रुग्णांच्या मृत्यूची नोंद झाली आहे. राज्याचा कोरोना मृत्यूदर सध्या २.१२ टक्के असून, गेल्या आठवड्याच्या सुरूवातीला २.११ टक्के इतका होता.

#WATCH | Maharashtra: Juhu Beach in Mumbai witnesses a huge footfall after the state government eased COVID-19 restrictions pic.twitter.com/eV0nrVSv02

— ANI (@ANI) August 29, 2021

राज्यात आतापर्यंत ५,३६,५९,६१३ नमुन्यांची प्रयोगशाळेत तपासणी करण्यात आली. या नमुन्यांपैकी ६४,५६,९३९ नमुन्यांचे अहवाल पॉझिटिव्ह आले आहेत. राज्यात सध्या २,९१,५२२ व्यक्ती होम क्वारंटाईनमध्ये आहेत. २,३१५ व्यक्ती संस्थात्मक क्वारंटाईनमध्ये असून, राज्यातील उपचाराधीन रुग्णांची संख्या ५२ हजार ८४४ इतकी आहे.

राज्यात पुणे जिल्ह्यामध्ये सर्वाधिक १३,५०३ रुग्ण उपचाराधीन आहेत. तर राज्यातील १७ जिल्ह्यांमध्ये उपचाराधीन रुग्णसंख्या १०० च्या आत आहे. यामध्ये जळगाव (४८), नंदूरबार (२), धुळे (२०), जालना (३३), परभणी (३६), हिंगोली (५९), नांदेड (३२), अकोला (२३), वाशिम (६), बुलढाणा (५०), यवतमाळ (७), नागपूर (७४), वर्धा (५), भंडारा (८), गोंदिया (४), गडचिरोली (३२) या जिल्ह्यांमध्ये उपचाराधीन रुग्णसंख्या शंभरच्या खाली आहे.

#CoronavirusUpdates
29th August, 6:00pm#NaToCorona pic.twitter.com/zS8vtfj9Yq

— माझी Mumbai, आपली BMC (@mybmc) August 29, 2021

मुंबईत आज दोनच मृत्यू…

मुंबईत गेल्या काही दिवसांत किंचित प्रमाणात रुग्णवाढ झाल्याचं दिसत आहे. आज दिवसभरात ३४५ नवीन कोरोनाबाधित आढळून आले आहेत. तर २८० रुग्ण कोरोनातून बरे होऊन घरी परतले आहेत. दिलासादायक बाब म्हणजे मुंबईत दोन मृत्यूंचीच नोंद झाली आहे.