‘मविआ’च्या ‘महामोर्चा’ला अशोक चव्हाणांची दांडी : काय सांगितलं कारण? भूमिकाही केली स्पष्ट

मात्र याच मोर्चाला माजी मुख्यमंत्री आणि काँग्रेसचे नेते अशोक चव्हाण अनुपस्थित राहणार आहेत. त्यामुळे ते काँग्रेसवर नाराज असल्याच्या चर्चांना पुन्हा एकदा उधाण आलं आहे. मात्र त्यापूर्वीच अशोक चव्हाण यांनी ट्विट करुन आपली भूमिका स्पष्ट केली आहे.

महाविकास आघाडीच्या १७ डिसेंबर रोजी नियोजित मोर्चाला माझा पूर्ण पाठिंबा आहे. मात्र एका निकटवर्तीय कुटुंबातील नांदेड येेथे पूर्वनियोजित विवाह सोहळ्यामुळे मला मोर्चात सहभागी होणे शक्य नाही. माजी आमदार सौ. अमिता चव्हाण तिथे उपस्थित राहतील.
कृपया वस्तुस्थितीची नोंद घ्यावी.

— Ashok Chavan (@AshokChavanINC) December 16, 2022

याबाबत बोलताना चव्हाण यांनी महाविकास आघाडीच्या १७ डिसेंबर रोजी नियोजित मोर्चाला माझा पूर्ण पाठिंबा असल्याचं स्पष्ट केलं आहे. तसंच एका निकटवर्तीय कुटुंबातील नांदेड येथे पूर्वनियोजित विवाह सोहळ्यामुळे मला मोर्चात सहभागी होणे शक्य नाही. पण माजी आमदार अमिता चव्हाण तिथे उपस्थित राहतील. कृपया वस्तुस्थितीची नोंद घ्यावी, असंही त्यांनी सांगितलं.