PNB Scam: फरार मेहुल चोक्सी सापडला, ‘या’ देशात करण्यात आली अटक

पंजाब नॅशनल बँक (PNB) घोटाळ्यातील आरोपी आणि फरार हिरे व्यापारी मेहुल चोक्सीबद्दल (Mehul Choksi) एक मोठी बातमी समोर आली आहे. मेहुल चोक्सी हा डोमिनिकामध्ये सापडला आहे. तेथील पोलिसांनी त्याला अटक केली असून आता अँटिगा पोलिसांच्या वतीनेही डोमिनिका प्रशासनाशी संपर्क साधण्यात आला आहे. गेल्या काही दिवसांपासून चोक्सी अँटिगामधून अचानक गायब झाला होता. असे म्हटलं जात आहे की, आपला बचाव करण्यासाठी तो अँटिगामधून पळून गेला होता. परंतु आता डोमिनिका पोलिसांनी त्याला पकडलं असून लवकरच त्याला अँटिगा पोलिसांच्या स्वाधीन केले जाऊ शकते.