हर्षवर्धन पाटील अन् प्रवीण मानेंना मोठा धक्का, अटीतटीच्या लढतीत भरणे मामांच्या उमेदवाराचा 120 मतांनी विजय
Indapur Nagarpalika Election Result : नगराध्यक्षपदासाठी झालेल्या अत्यंत चुरशीच्या निवडणुकीत भरत शहा यांनी प्रतिस्पर्ध्यांचा कडवा सामना करत अखेर विजय खेचून आणला. या विजयामागे आमदार दत्ता भरणे यांची ठोस साथ निर्णायक ठरल्याचे राजकीय वर्तुळात बोलले जात आहे. भरणे यांच्या नेतृत्वाखाली राष्ट्रवादी काँग्रेसने इंदापुरात आपली पकड मजबूत करत एकूण 14 नगरसेवक निवडून आणले आहेत.
ADVERTISEMENT
बातम्या हायलाइट
हर्षवर्धन पाटील अन् प्रवीण मानेंना मोठा धक्का
अटीतटीच्या लढतीत भरणे मामांच्या उमेदवाराचा 120 मतांनी विजय
Indapur Nagarpalika Election Result : इंदापूर नगरपरिषद निवडणुकीत राजकीय समीकरणे पूर्णपणे उलटवून टाकणारा निकाल समोर आला आहे. अटीतटीच्या लढतीत राष्ट्रवादी काँग्रेसचे नेते दत्ता भरणे यांच्या उमेदवाराने बाजी मारत माजी सहकार मंत्री हर्षवर्धन पाटील आणि भाजपचे नेते प्रवीण माने यांना मोठा धक्का दिला आहे. विशेष म्हणजे नगराध्यक्षपदाच्या लढतीत अजित पवार गटाचे भरत शहा यांनी अवघ्या 120 मतांच्या फरकाने विजय मिळवत राजकीय ताकद सिद्ध केली आहे.
नगराध्यक्षपदासाठी झालेल्या अत्यंत चुरशीच्या निवडणुकीत भरत शहा यांनी प्रतिस्पर्ध्यांचा कडवा सामना करत अखेर विजय खेचून आणला. या विजयामागे आमदार दत्ता भरणे यांची ठोस साथ निर्णायक ठरल्याचे राजकीय वर्तुळात बोलले जात आहे. भरणे यांच्या नेतृत्वाखाली राष्ट्रवादी काँग्रेसने इंदापुरात आपली पकड मजबूत करत एकूण 14 नगरसेवक निवडून आणले आहेत. यामुळे नगरपरिषदेत राष्ट्रवादी काँग्रेसचे वर्चस्व स्पष्ट झाले आहे.
दुसरीकडे, हर्षवर्धन पाटील आणि प्रवीण माने यांच्या गटाला अपेक्षित यश मिळू शकले नाही. त्यांच्या समर्थक उमेदवारांना पराभवाला सामोरे जावे लागले. विशेषतः प्रदीप गारतकर यांचा पराभव हा या गटासाठी मोठा धक्का मानला जात आहे. गारतकर यांना हर्षवर्धन पाटील, प्रवीण माने यांच्यासह इतर प्रमुख नेत्यांचा पाठिंबा होता, मात्र तो मतपेट्यांपर्यंत पोहोचू शकला नाही. परिणामी तिघांनाही पराभवाची चव चाखावी लागली.
हे वाचलं का?
