'भाजपने बळाचा, दांडगाईचा वापर...', मंत्री शंभूराज देसाई प्रचंड संतापले थेट भाजपविरोधात एल्गार!
साताऱ्यातल्या सभापती पदाच्या निवडीनंतर पत्रकार परिषदेत शिवसेनेचे नेते तथा साताऱ्याचे पालकमंत्री शंभूराज देसाईंचा संताप पुन्हा एकदा पाहायला मिळाला. यावेळी शिवसेना आणि राष्ट्रवादी काँग्रेसच्या सदस्यांनी भाजपविरोधात साताऱ्यात बहिष्कार करत असल्याचं एल्गार केला.
ADVERTISEMENT
सातारा: सातारा जिल्हा परिषदेच्या 20 मार्च रोजी झालेल्या अध्यक्ष-उपाध्यक्ष निवडणुकीनंतर राजकीय वातावरण चांगलेच तापले आहे. महायुतीतील फूट स्पष्ट झाली असून, शिवसेना (शिंदे गट) आणि राष्ट्रवादी काँग्रेस (अजित पवार गट) यांनी भाजपविरोधात एकत्र येत तीव्र निषेध नोंदवला आहे.
पालकमंत्री तथा शिवसेनेचे नेते शंभूराज देसाई यांनी पत्रकार परिषदेत संताप व्यक्त करताना भाजपवर गंभीर आरोप केले. त्यांनी सांगितले की, “20 मार्च रोजी अध्यक्ष-उपाध्यक्ष निवडीदरम्यान ज्या घटना घडल्या त्या अत्यंत गंभीर होत्या. भाजपने बळाचा आणि दांडगाईचा वापर करून ही निवडणूक घेतली. या प्रकाराची दखल राज्यासह देशभरातील माध्यमांनी घेतली असून, जिल्हा प्रशासनानेही चुकीची भूमिका घेतल्याचे पडसाद उमटले आहेत.”
सभापती निवडीवर एकमुखी बहिष्कार
या पार्श्वभूमीवर शंभूराज देसाई आणि मदत व पुनर्वसन मंत्री मकरंद पाटील यांच्या नेतृत्वाखाली शिवसेना, राष्ट्रवादी काँग्रेस, शेतकरी संघटना आणि अपक्ष सदस्यांनी एकत्र येत सभापती निवडणुकीवर बहिष्कार टाकण्याचा निर्णय घेतला आहे.
हे ही वाचा>> अजितदादांच्या विमान अपघाताबाबत देवेंद्र फडणवीस यांनी दिली 57 दिवसानंतर महत्त्वाची अपडेट, पायलटबाबत म्हणाले...
पत्रकार परिषदेत शंभूराज देसाई म्हणाले, “साताऱ्यासारख्या यशवंतराव चव्हाणांच्या विचारांच्या जिल्ह्यात पहिल्यांदाच सदस्यांना हाताला काळ्या फिती बांधून निषेध करावा लागला. सदस्यांवर अन्याय झाला तर आम्ही सर्वजण त्यांच्या पाठीशी भक्कमपणे उभे राहू आणि या घटनेचा निषेध कायम ठेवू.”
