आव्हाडांचं मध्यरात्री ट्विट, म्हाडाची होणारी परीक्षा पुढे ढकलली, विद्यार्थ्यांमध्ये संताप

आव्हाड यांनी विद्यार्थ्यांची माफी मागत आपल्या ट्विटर अकाऊंटवर हा व्हिडीओ पोस्ट केला आहे.

म्हाडा च्या पूर्ण आठवड्यात होणाऱ्या परीक्षा पुढे ढकलण्यात आली आहे
उद्या परीक्षा होणार नाही pic.twitter.com/ewR8XrWe0G

— Dr.Jitendra Awhad (@Awhadspeaks) December 11, 2021

आज सकाळच्या सत्रात म्हाडाच्या कार्यकारी अभियंता, उप अभियंता, सहायक अभियंता आणि सहायक विधी सल्लागार या पदासाठी परीक्षा होणार होत्या. ही परीक्षा जानेवारी महिन्यात होईल असं देखील जितेंद्र आव्हाड यांनी म्हटलं आहे. या परीक्षेसाठी आज सकाळच्या सत्रात 50 हजार उमेदवार तर दुपारच्या सत्रात 56 हजार उमेदवार परीक्षा देणार होते.

काही दिवसांपूर्वी म्हाडाच्या परीक्षेमध्ये मोठ्या प्रमाणात उमेदवारांकडून पैसे घेण्यात येत असल्याच्या तक्रारी आव्हाड यांच्याकडे आल्या होत्या. त्यानुसार त्यांनी ही दलाली पद्धत मोडीत काढण्यासाठी जी पदं भरायची आहेत, त्या परीक्षेची प्राथमिक परीक्षा आणि त्यातून गुणवत्ता यादीत आलेल्या मुलांची मुख्य परीक्षा होईल असं जाहीर केलं होतं. यासोबतच आव्हाडांनी दलालांना उमेदवारांचे पैसे परत करा असा इशारा देखील दिला होता. या नाट्यानंतर आज ही परीक्षा होणं अपेक्षित होतं परंतु मध्यरात्री जितेंद्र आव्हाड यांनी काही तांत्रिक कारणास्तव आपण ही परीक्षा पुढे ढकलत असल्याचं म्हटलं आहे.

काय म्हणाले जितेंद्र आव्हाड?

‘सर्व विद्यार्थ्यांची क्षमा मागून काही अपरिहार्य कारणामुळं आणि तांत्रिक अडचणीमुळं म्हाडाची आज होणारी परीक्षा आणि यापुढे होणाऱ्या परीक्षा पुढे ढकलल्या आहेत. या परीक्षा जानेवारी महिन्यात होतील. ही माहिती एवढ्या रात्री यासाठी देतोय की विद्यार्थ्यांनी सेंटरवर जाऊ नये, त्यांना त्रास होऊ नये. परत एकदा क्षमा मागतो’

आव्हाडांच्या या ट्विटवर अनेक उमेदवारांनी आपली नाराजी नोंदवली आहे.

बस बंद असताना विद्यार्थी आधीच शेकडो रूपे खर्चून नियोजन करून बसले होते. सरकार ने प्रत्येक परीक्षार्थी च्या खात्यात नुकसानभरपाई म्हणून 2000 रु. जमा करावेत.
अजून एस टी चालू करता आलेली नाही या सरकार ला.@PawarSpeaks

— Shashank Karyakarte (@ShashankKaryak1) December 11, 2021

@CMOMaharashtra आरोग्य विभाग मध्ये पण तेच म्हाडा मध्ये पण तेच,
नियोजन शून्य कारभार झाला आहे आघाडी सरकारचा,
एवढी पण विद्यार्थ्यांची हाय घेऊ नका की पुढच्या वेळेस एक सीट पण निवडून येणं जमणार नाही..@AjitPawarSpeaks @Dev_Fadnavis @abpmajhatv @saamTVnews

— Udayram Patil (@patiludayram) December 11, 2021

बस बंद आहेत आणि सकाळ ची exam hoti म्हणून प्रायव्हेट गाडी करून exam centre la pohochlo ani ratri 2 la समजत की exam cancle aahe… आता आर्थिक भुर्दंड का सहन करायचा? कॅन्सल करायची होती तर काल च सांगितलं असतं …. आईनवेली मुलांचे हाल का करत आहेत ??????

— kunal suryawanshi (@kunal_ks_) December 11, 2021

साहेब गावा पासुन 300km वरती exam center आलेलं आहे . आणि कालच exam center येऊन परत जान खूपच खर्चिक झालेलं आहे. थोडा विचार करावा ही विनंती

— Amarsinh Gaikwad (@Amarsinhdas01) December 12, 2021

याआधीही राज्य सरकारला आरोग्य विभागाच्या परीक्षांवरुन चांगलीच टीका सहन करावी लागली होती. यानंतर म्हाडाच्या परीक्षांवेळीही पुन्हा एकदा सरकारकडून विद्यार्थ्यांना गोंधळात टाकणारी भूमिका घेण्यात आल्यामुळे महाविकास आघाडी सरकारला लागलेलं हे परीक्षांचं ग्रहण कधी सुटणार हे पाहणं आता महत्वाचं ठरणार आहे.