एकनाथ शिंदेंचे मंत्री गुजरात दौऱ्यावर : राज्याच्या औद्योगिक धोरणांचा अभ्यास करणार

या शिष्टमंडळात उदयोग मंत्री उदय सामंत, मुख्यमंत्री एकनाथ शिंदे यांचे प्रधान सचिव विकास खरगे आणि काही इतरही सचिव, अधिकारी यांचा समावेश आहे. गुजरातची राजधानी गांधीनगरमध्ये आज या शिष्टमंडळाची गुजरातचे मुख्यमंत्री भुपेंद्र पटेल यांच्यासोबत बैठक होणार आहे.

आज गुजरात राज्याच्या दौऱ्यावर आलो असता शिवसेना गुजरात राज्य प्रमुख एस.आर.पाटील, मध्यप्रदेश राज्यप्रमुख ठाणेश्वर महावर, नितीन भाई व अजिताब तिवारी यांनी पुष्पगुच्छ देऊन स्वागत केले. pic.twitter.com/F112MVxzeM

— Uday Samant (@samant_uday) September 26, 2022

दौऱ्यात काय अभ्यास होणार?

हे उच्चस्तरीय शिष्टमंडळ गुजरातच्या औद्योगिक सेन्ट्रलाईज्ड सिस्टीमचा आणि गुजरातच्या एकूणच औद्योगिक धोरणांचा अभ्यास या दौऱ्यात केला जाणार आहे. याशिवाय गुजरातमधील उद्योगांसाठी असलेल्या इतर सोई सुविधांचाही आढावा या दौऱ्यात घेतला जाणार आहे.

फॉक्सकॉन-वेदांता प्रकल्प गुजरातला :

महाराष्ट्रातील प्रस्तावित वेदांता-फॉक्सकॉन यांचा सेमीकंडक्टर प्रकल्प गुजरातमध्ये स्थलांतरित झाल्यानंतर राज्यातील वातावरण तापले आहे. महाविकास आघाडी विरूद्ध शिंदे सरकार असा सामना रंगला आहे. 3 महिन्यांमध्ये काहीच प्रयत्न न झाल्यामुळे हा प्रकल्प महाराष्ट्रातून गेला असा आरोप शिंदे सरकारवर होत असून याचा ठपका थेट उदय सामंत यांच्यावर ठेवण्यात येत आहे.