रेल्वे बोगीतून चिमुकला दरवाजाच्या दिशेने पुढे धावत गेला, वाचवायला गेलेल्या आईचाही मृत्यू

मध्यप्रदेशातील रिवा येथे सैनिकी शाळेत इशान रामटेके हे रसायवशास्त्र हा विषय शिकवतात. सुट्टी संपल्यामुळे आपल्या कुटुंबासह नागपूरवरुन मध्य प्रदेशला जाण्यासाठी ते रात्रीच्या रेल्वे गाडीने निघाले होते. तुमसर रेल्वे स्थानकातून गाडी पुढे निघाली असताना पत्नीला लघुशंका लागल्यामुळे ती आपल्या मुलाला घेऊन शौचालयाच्या दिशेने गेली. त्यावेळी दीड वर्षाच्या अथर्वने नकळत दरवाजाच्या दिशेने धाव घेतली आणि काही कळायच्या आतच तो वैनगंगा नदीच्या पुलावरुन नदीत पडला.

आपल्या मुलाचा वाचवण्याच्या प्रयत्नात पुजा या देखील तो जाऊन गाडीच्या खाली कोसळल्या. या घटनेत मुलाचा पाण्यात बुडून तर पुजा यांचा मार लागून मृत्यू झाल्याची प्राथमिक माहिती रेल्वे पोलिसांनी दिली आहे.

गुजरात: भल्या पहाटे सुरतमध्ये जीवघेणी दुर्घटना, 6 कामगारांचा गुदमरून मृत्यू; 25 जणांची प्रकृती चिंताजनक

दुसरीकडे बराच वेळ झाला तरी पत्नी आणि मुलगा परत न आल्यामुळे इशान यांनी त्यांची शोधाशोध सुरु केली. परंतू ते न सापडल्यामुळे त्यांनी गोंदिया रेल्वे स्थानकात तक्रार नोंदवली. सोमवारी रेल्वे पोलिसांच्या टीमला पेट्रोलिंगदरम्यान दुपारी १२ वाजता पुजा यांचा मृतदेह लटकलेल्या अवस्थेत तर लहानग्या अथर्वचा मृतदेह नदीत आढळून आला. पोलिसांनी या ठिकाणाचा पंचनामा करत दोन्ही मृतदेहांची ओळख पटवल्यानंतर पोस्टमार्टमसाठी मृतदेह तुमसर येथे पाठवले. या अपघातामुळे इशान रामटेके यांच्यावर दुःखाचा डोंगर कोसळला आहे.