डोंबिवलीत कंपनीच्या सुरक्षा रक्षकाची हत्या, तीन दिवसातली हत्येची दुसरी घटना

डोंबिवली एमआयडीसीच्या फेज १ मधील खंबाळपाडा रस्त्यावर असलेल्या एका कंपनीच्या सुरक्षा रक्षकाची मंगळवारी रात्री धारदार शस्त्राने अज्ञात चोरट्यांनी हत्या केली आहे. चोरीच्या उद्देशाने ही हत्या केली असण्याचा संशय मानपाडा पोलिसांनी व्यक्त केला आहे. मारेकऱ्यांनी कंपनीतून दीड लाखाचे सामान चोरून नेले आहे.

ग्यानबहादुर भीमबहादुर गुरूम (वय-६४) मृत सुरक्षा रक्षकाचे नाव असून तो खंबाळपाडा रोडला विजय पेपर प्रॉडक्ट कंपनीत सुरक्षा रक्षक म्हणून नोकरी करत होता. या संदर्भात जसवंतसिंग रणबहादुर ठाकूर (वय-५०) याच्या तक्रारीवरून पोलिसांनी गुन्हा दाखल केला आहे. खंबाळपाडा रस्त्याला विजय प्रॉडक्ट पेपर कंपनीत ग्यानबहादुर गुरूम हे सुरक्षारक्षक म्हणून काम करत होते. कंपनीतून कास्य धातुचे गठ्ठे, तांब्याच्या धातुची वर्तुळे, पितळ, तांब्याचे तुकडे असा दीड लाख रुपये किमतीचा धातूचा साठा चोरट्यांनी चोरून नेला आहे.

डोंबिवली: क्रीडा प्रशिक्षकाकडून विद्यार्थिनीला अमानुष मारहाण, शारिरीक अत्याचार केल्याचं उघड

ग्यानबहादुर हे मंगळवारी रात्री विजय पेपर कंपनीत तैनात असताना अज्ञात चोरट्यांनी कंपनीत चोरीच्या उद्देशाने प्रवेश केला. त्यांना सुरक्षा रक्षक ग्यानबहादुर यांनी कडवा प्रतिकार केला असावा, या वादातून चोरट्यांनी ग्यानबहादुर यांच्यावर धारदार, टणक हत्याराने सर्वांगावर करून त्यांना गंभीर दुखापती केल्या. यात ते जागीच ठार झाले. त्यांना मारल्यानंतर चोरट्यांनी ग्यानबहादुर यांचा मोबाइल, इतर धातूच्या वस्तू चोरून नेल्या. पोलिसांनी घटनास्थळी भेट देऊन पाहणी केली. त्यानंतर ग्यानबहादुर यांचा मृतदेह शव-विच्छेदनासाठी केडीएमसीच्या रुक्मिणीबाई हॉस्पिटलमध्ये पाठवण्यात आला. मानपाडा पोलीस ठाण्याचे वरीष्ठ पोलीस निरीक्षक शेखर बागडे यांच्या मार्गदर्शनाखाली तपास सुरू करण्यात आला आहे.

डोंबिवली : १० वर्षाच्या मुलाचा जीव गेलेली ती इमारत अनधिकृत, महापालिका इमारत पाडणार

तीन दिवसातली दुसरी घटना

सोमवारी दुपारच्या सुमरास डोंबिवली पश्चिमेला बावनचाळ परिसरातील रेल्वे मैदानात एका इसमाचा मृतदेह पडल्याची माहिती विष्णूनगर पोलिसांना मिळाली. घटनास्थळी पोलिसांनी धाव घेऊन सदर जागेवर इसमाचा मृतदेह रक्ताच्या थारोळ्यात पडलेला दिसला.

साधारण ४५ ते ५० वयोगटातील या इसमाच्या डोक्यावर लाकडी दांडक्याने जोरदार प्रहार केल्याने त्याचा जागीच मृत्यू झाला असावा असा अंदाज पोलिसांनी व्यक्त केला होता. घटनास्थळाची पाहणी करून पोलिसांनी तत्काळ पोलिसांची तीन पथके तयार केली. मैदानाच्या आजूबाजूचे सीसीटीव्ही बघून त्यात मृत व्यक्ती पाण्याची बाटली घेऊन जाताना दिसत आहे. या घटनेतल्या आरोपीला पोलिसांनी १२ तासांत अटक केली.