Nashik Oxygen Leak चौकशीसाठी 7 सदस्यीय उच्चस्तरीय समिती नियुक्त-राजेश टोपे
Nashik Oxygen Leak- नाशिक ऑक्सिजन गळतीच्या दुर्घटनेची चौकशीसाठी सात सदस्यीय उच्चस्तरीय समिती स्थापन करण्यात आली आहे. या समितीने अहवाल दिल्यानंतर कारवाई केली जाईल असं आरोग्यमंत्री राजेश टोपे यांनी सांगितलं आहे. नाशिकमध्ये ऑक्सिजनची गळती झाल्याने झाकीर हुसैन रूग्णालयात 22 नागरिकांचा मृत्यू झाला. या घटनेननंतर आरोग्यमंत्री राजेश टोपे आणि महसूल मंत्री बाळासाहेब थोरात यांनी नाशिकच्या रूग्णालयाची पाहणी […]
ADVERTISEMENT
Nashik Oxygen Leak- नाशिक ऑक्सिजन गळतीच्या दुर्घटनेची चौकशीसाठी सात सदस्यीय उच्चस्तरीय समिती स्थापन करण्यात आली आहे. या समितीने अहवाल दिल्यानंतर कारवाई केली जाईल असं आरोग्यमंत्री राजेश टोपे यांनी सांगितलं आहे. नाशिकमध्ये ऑक्सिजनची गळती झाल्याने झाकीर हुसैन रूग्णालयात 22 नागरिकांचा मृत्यू झाला. या घटनेननंतर आरोग्यमंत्री राजेश टोपे आणि महसूल मंत्री बाळासाहेब थोरात यांनी नाशिकच्या रूग्णालयाची पाहणी केली त्यानंतर राजेश टोपे यांनी या प्रकरणी सात सदस्यीय समिती नेमली जाईल असं म्हटलं आहे.
नाशिक महापालिकेच्या रुग्णालयातील ऑक्सिजन गळतीची दुर्घटना दुःखदायक असून त्यातील मृतांच्या नातेवाईकांच्या सांत्वनाला शब्द अपुरे आहेत. या दुर्घटनेची सखोल चौकशी करण्याचे आणि मृतांच्या वारसांना प्रत्येकी 5 लाख रुपये देण्याचे मुख्यमंत्री महोदयांनी जाहीर केले आहे.
— Rajesh Tope (@rajeshtope11) April 21, 2021
Nashik Oxygen Leak : 22 मृत्यूंमुळे महाराष्ट्र शोकमग्न आहे-मुख्यमंत्री
चौकशी समितीमध्ये कोण असणार आहे?
नाशिकमध्ये घडलेली घटना अत्यंत दुर्दैवी आहे. या प्रकरणाच्या चौकशीसाठी सात सदस्यीय समिती नेमण्यात आली असून विभागीय आयुक्त राधाकृष्ण गमे यांच्या अध्यक्षतेखाली ही समिती चौकशी करणार आहे. या समितीमध्ये वैद्यकीय अधिकारी, तांत्रिक दोष निर्माण झाल्याने तंत्रनिकेतन महाविद्यालयाचे प्राचार्य, महापालिकेचे अभियंता आणि ऑक्सिजन प्लांट उभारणीचं काम करणाऱ्या लोकांचा समावेश असेल असंही राजेश टोपे यांनी स्पष्ट केलं.
हे वाचलं का?
