मनात आलं म्हणून महिलेला चाकूने भोसकले, बायकोसोबतच्या वादानंतर 'तो' का बनला सायको किलर?

हे ही वाचा : बुलढाणा : मित्राच्या मदतीने भावाला संपवलं, पुरावा नष्ट करण्यासाठी शेतात जाळला मृतदेह

मॉर्निंग वॉकला गेलेल्या महिलेला भोसकले

श्याम सुंदर नावाचा हा सायको किलर आहे उत्तर प्रदेशातील आग्र्याचा. आग्र्याची ओळख म्हणजे प्रेमासाठी उभारण्यात आलेला ताजमहाल. त्याच शहरात हा सायको किलर फिरत होता. येथील पुष्पांजली बाग येथील रहिवासी सोना देवी २२ फेब्रुवारी रोजी पहाटे ५:३० च्या सुमारास फिरण्यासाठी बाहेर पडल्या होत्या. यावेळी आरोपी श्याम सुंदर याने मागून येत त्यांच्या पोटात चाकू भोसकला. चाकू पोटात आरपार घुसल्याने त्या रक्ताच्या थारोळ्यात कोसळल्या. यानंतर या सायको किलरने तेथून पळ काढला. मात्र सकाळी फिरायला आलेल्या इतर नागरिकांनी महिलेला तात्काळ हॉस्पिटलमध्ये दाखल केले. प्रकृती चिंताजनक असल्याने नंतर त्यांना दुसऱ्या रुग्णालयात हलवण्यात आले.

महिलांविषयी द्वेष का?

न्यू आग्रा पोलिसांनी परिसरातील सीसीटीव्ही फुटेज तपासल्यानंतर आरोपी श्याम सुंदर याला खासपूर परिसरातून अटक केली. त्याच्याकडून गुन्ह्यात वापरलेला चाकूही जप्त करण्यात आला आहे. प्राथमिक चौकशीत या हल्ल्यामागील कारण ऐकून पोलीसही अवाक झाले. आरोपीचे त्याच्या पत्नीशी गेल्या काही काळापासून सतत भांडण सुरू होते. या घरगुती वादामुळे तो मानसिकदृष्ट्या विचलित झाला होता आणि त्याच्या मनात सर्व महिलांविषयी प्रचंड द्वेष निर्माण झाला होता. याच रागातून त्याने समोर दिसलेल्या वृद्ध महिलेवर हल्ला केला. दरम्यान, या महिलेची प्रकृती स्थिर असल्याचे समजते.