नवाब मलिकांचा तुरुंगातील मुक्काम वाढला! न्यायालयाकडून तूर्त दिलासा नाहीच

मनी लॉंडरिंग प्रकरणात ईडीने नवाब मलिकांना अटक केलेली आहे. मुंबईतील कुर्ला परिसरातील एलबीएस रोडवरील जमीन खरेदी प्रकरणात ही अटक करण्यात आलेली आहे. मलिक २३ फेब्रुवारीपासून अटकेत असून, सध्या न्यायालयीन कोठडीत आहे.

नवाब मलिक यांची ED कोठडीतून आर्थर तुरुंगामध्ये रवानगी

मलिक यांनी मुंबई उच्च न्यायालयाल हेबियस कॉर्पसच्या आधारावर याचिका दाखल केली होती. आपल्या विरुद्ध दाखल करण्यात आलेली याचिका रद्द करण्यात यावी, तसेच ईडीची कारवाई चुकीची असून, बेकायदेशीर असल्याचंही म्हटलेलं होतं. मलिक यांच्या अंतरिम अर्जावर आज मुंबई उच्च न्यायालयाचे न्यायमूर्ती पी.बी. वराळे आणि न्यायमूर्ती एस.एस. मोडक यांच्या खंठपीठासमोर सुनावणी झाली.